O'zLiDeP Жондор туман Кенгаши томонидан “Ишбилармон аёл – 2022” кўрик танловининг туман босқичи ўтказилди.
Аёллар ўртасида тадбиркорликни ривожлантириш, рағбатлантириш, қўшимча иш ўринлари яратиш ҳамда аёлларнинг жамиятдаги фаоллигини янада ошириш мақсадида ўтказилаётган мазкур танловда ўнлаб ҳунармандлар, фермер хўжаликлари раҳбарлари, тадбиркорлар ва ишбилармонлар ўз кўргазмалари билан иштирок этдилар.

Тақдирлаш маросимида иштирок этган O'zLiDeP Жондор туман Кенгаши раиси биринчи ўринбосари-аппарат раҳбари Шуҳрат Бобоев, партия туман Кенгаши раисининг аёллар масалалари бўйича ўринбосари Латофат Беҳбудова инновацион лойиҳаларни ҳаётга татбиқ этишдаги фаоллиги, замонавий ишлаб чиқаришни йўлга қўйиш орқали янги иш ўринлари яратгани, экспортбоп, импорт ўрнини босувчи маҳсулот ишлаб чиқараётгани, энг асосийси, ишсиз қолган, “Аёллар” ҳамда “Ёшлар” дафтарлари рўйхатида турган хотин-қизларнинг иш билан таъминлашда фаоллик кўрсатаётгани учун тадбиркор аёлларга миннатдорчилик билдирдилар.

Тадбирда иштирокчилар 5 та номинация буйича узаро беллашдилар.
Ҳакамлар ҳайъатининг хулосаларига кўра "Замонавий ташаббускор аёл" номинацияси бўйича туманнинг Ушот МФЙда каштачилик йуналишида ўқув маркази ташкил этиб, ўз ҳунарининг нозик сир-асрорларини ёшларга ўргатиб келаётган Шахноза Шарипова лойиқ деб топилди.

"Энг ёш, фаол тадбиркор аёл" номинацияси ғолиблигини Луқмон МФЙ Лоло қишлоғида қўлрўмолча ишлаб чикариш цехини ташкил килиб ҳудуддаги ишсиз ҳамда “Аёллар дафтари” рўйхатидаги 14 нафар аёлни иш билан таьминлаган тадбиркор аёл Рушана Фармонова қўлга киритди. Мазкур цехда ишлаб чиқарилаётган маҳсулотлар нафақат мамлакатимизда балки чет элларга ҳам экспортга чиқарилаётганлиги билан диққатга сазовордир.
Кўрик- танловнинг "Инвестицияларни жалб қилишда ташаббус кўрсатган ишбилармон аёл" номинацияси бўйича туманнинг Ибн Сино МФЙ да хусусий даволаш маскани ташкил этиб, бу ерда тиббиётнинг диагностика, физиотерапея йуналишларида замонавий асбоб ускуналар билан самарали даволашни йўлга қўйган Шахноза Рамазонова ғолиб деб топилди.

-“Қишлоқни ижтимоий ривожлантиришда фаоллик кўрсатган фермер аёл” номинацияси бўйича ўзининг шахсий томорқасида иссиқхона ташкил килиб унда турли хил цитрус мевалар ва ранг-баранг гуллар етиштиришни самарали йўлга қўйган туманнинг Ушот МФЙ да яшовчи Мукаррам Азимовага тенг келадиган рақобатчи топилмади.

Ташкилотчилар томонидан ишбилармон аёлларга партия ва ҳамкор ташкилотларнинг диплом ва қимматбаҳо эсдалик совғалари тақдим этилди. Танловнинг вилоят босқичида қатнашиш ҳуқуқини қўлга киритган иштирокчилар муборакбод этилди.
Мазкур танловининг ҳудудий босқичлари туман ва шаҳар Кенгашларида давом этмоқда.