Ҳар йили анъанавий тарзда ўтказиб келинаётган O’zLiDePнинг “Ишбилармон аёл” кўрик-танловининг туман босқичлари янги-янгидан тадбиркор опа-сингилларимизни кашф этишда давом этмоқда.

Кўрик танловда иштирокчиларнинг ўз ишлаб чиқарган маҳсулотлар кўргазмаси, қўл меҳнатига асосланган тадбиркорлик ишлари намойиш этилди ва ҳакамлар ҳайьати томонидан баҳолаб борилди.

Ҳайъат кенгашининг хулосасига кўра, 3- ўрин Миллий либослар, махсус кийим-кечаклар тикиш бўйича 5 нафар хотин-қизларни доимий иш билан таъминлаб, уйда ўтирган аёлларга касаначилик асосида ҳунар ўргатиб келаётган тадбиркор Исламова Малоҳат; 2- ўрин Хотин-қизлар ва ёшлар учун 3 та доимий ҳамда 5 та мавсумий иш ўрни яратган якка тартибдаги ёш тадбиркор Хўжаярова Чарос қўлга киритган бўлса, 1-ўрин эса 29 нафар доимий иш ўрни яратган, 40 нафардан ортиқ хотин-қизларга миллий либослар тикиш ҳамда турли хилдаги пишириқ тайёрлаш, гилам тўқиш каби ҳунар сирларини ўргатиб келаётган, шунингдек, туман аёлларидан 60 нафарга яқинини уй шароитида касаначилик асосида бандлигини таъминлашга кўмаклашиб келаётган “Моҳичеҳра Аҳмедова” оилавий корхона раҳбари Тожиева Сайёрага насиб қилди.ва кўрик-танловнинг вилоят босқичига йўлланмани қўлга киритди.

Шунингдек: “Замонавий ташаббускор  аёл” номинацияси  бўйича  ЯТТ Нормўминова Шарофат;“Инвестицияларни жалб қилишда ташаббус кўрсатган ишбилармон аёл” номинацияси бўйича ҳунарманд Содиқова Шохсанам, “Қишлоқни ижтимоий ривожлантиришда фаоллик кўрсатган фермер аёл” номинацияси бўйича фермре Боймирзаева Дилрабо; “Йилнинг мурувватли ишбилармон аёли” номинацияси бўйича тадбиркор Мейлиева Нилуфар, “Энг ёш, фаол аёл тадбиркор” номинацияси бўйича Бегалиева Фаридалар лойиқ деб топилди.

Ғолиб ва совриндорларга вилоят Кенгаши ҳамда Қамаши туман  Кенгаши томонидан Диплом ҳамда эсдалик совғалари топширилди.