Халқ депутатлари Наманган шаҳар Кенгаши депутати Қобилжон Дадабоев сайлов округи ҳудудидаги Юксалиш ва Ижодкор маҳаллаларида бўлиб, аҳоли мурожаатларини ўрганди.

Юксалиш маҳалласи 7-Нуробод кўчаси аҳолиси томонидан электр энергияси таъминотини яхшилаш бўйича билдирилган мурожаат Давлатобод электр тармоқлари корхонаси мутахассисларини жалб этган ҳолда ижобий ҳал этилди.

Ховли деворини янгилашда амалий ёрдам сўраб билдирилган 2 та мурожаат бўйича "Юксалиш" МФЙ 7-Нуробод кўчаси 10-уйда яшовчи аёллар дафтарига киритилган фуқаро Турматова Феруза ва "Ижодкор" МФЙ Гулзор кўчаси 114-уйда яшовчи фуқаро Хожаханова Матлубага бетон ғишт махсулотлари ҳомийлик асосида олиб берилди.

Иш билан таъминлаш юзасидан билдирилган 15 та мурожаатлар жойида ҳал этилиб, уларни “Art Soft Tex” ва “Art Soft Chimboy” ишлаб чиқариш корхоналарига тикувчи, тозаловчи, қадоқловчи, сараловчи ва бўёқчи йўналишларга ишга таклиф этилди.