Ўзбекистон Республикаси давлат мустақиллигининг ўттиз бир йиллик байрами тантаналари арафасида Фарғона вилоятида саховатпеша тадбиркорлар ҳомийлигида кўплаб саховат тадбирлари ўтказиляпти.

Шундай тадбирларнинг навбатдагиси Фарғона тумани Миндон қишлоғида бўлиб ўтди. O'zLiDeP депутати, тадбиркор Бегзоджон Раимов ташаббуси ва ҳомийлигида маҳалладаги 19 нафар эҳтиёжманд оила фарзандларининг суннат тўйлари ўтказилди, 800 нафарга яқин маҳалла аҳли учун дастурхон ёзилди. Тадбирда вилоят ҳокими Хайрулло Бозоров ҳам иштирок этди.