Шахрихон туманидаги “Қипча қўрғон” маҳалласидаги симёғочлар анча эскириб қолганди. Баъзилари қўлбола усулда ўрнатилгани боис, у ерда яшовчи аҳоли учун хавфли эди. Шу боис уларни янгилаш зарурати туғилди.

Ушбу масала юзасидан маҳалла аҳли тумандаги 30-сайлов округидан сайланган O'zLiDeP Шахрихон туман Кенгаши депутатлик гуруҳи аъзоси, туман Кенгаши депутати Элёрбек Мамажоновга мурожаат қилишди. Депутат дарҳол масалани ижобий ҳал қилиш учун ишга киришди.

У депутатлик сўрови билан тегишли ташкилотларга мурожаат қилди. Депутатнинг сўровномалари бесамар қолмади. Маҳалла ҳудудидаги Бирлашган кўчасига 23 дона симёғочлар ўрнатилди.

Сайловчилар мамнун. Депутат енгил тин олди. Аҳолининг яна бир муаммосини ҳал қилгани уларнинг ишончларини оқлаётгани намунаси. Биргина “раҳмат” эшитиб, дуо олишнинг завқини юракдан ҳис қилишнинг ўзи бахт. Депутат мана шу Бахт учун яшамоқда.