O'zLiDeP Тошкент шаҳар Кенгаши раиси, Халқ депутатлари Тошкент шаҳар Кенгаши депутати Равшан Фазилов умумхалқ байрами – Ўқитувчи ва мураббийлар куни муносабати билан Юнусобод туманидаги 72-сонли умумтаълим мактабида ўқитувчилар, ўқувчилар ҳамда уларнинг ота-оналар иштирокида байрам тадбирида қатнашди. Партия вакили ўқитувчиларни байрам билан табриклаб, уларга партиянинг ташаккурномаси ҳамда эсдалик совғаларини топширди.

Ёш авлодимизга билим ва тарбия бераётган, бутун борлиғини бағишлаган, шарафли меҳнати билан Ватанимиз тараққиётига ҳисса қўшаётган муаллимларимизга доимо соғ-омонлик, хонадонларига файзу-барака тилаб қолди.