Депутатлик эшитуви: Маҳаллаларда ташкил қилинган хотин-қизлар фаоллари фаолияти таҳлил қилинди

28.10.2022, 15:07

Депутатлик эшитуви: Маҳаллаларда ташкил қилинган хотин-қизлар фаоллари фаолияти таҳлил қилинди

Халқ депутатлари Элликқалъа туман Кенгашидаги O'zLiDeP депутатлик гуруҳининг навбатдаги йиғилиши бўлиб ўтди.          Йиғилиш кун тартибида туманда хотин-қизларга тазиқ ва зўравонликка нисбатан муросасизлик муҳитини яратиш, хотин-қизларнинг ҳуқуқларини ва қонуний манфаатларини таьминлаш бўйича ҳамкор ташкилотлар билан биргаликда олиб борилган ишлар тўғрисида туман ҳокими ўринбосари - оила ва хотин-қизлар бўлими бошлиғи Адолат Юлдашеванинг  ҳисобати тингланди.     

Президентимиз ташаббуси билан жорий қилинган янги лавозимда туманда 37 та маҳалла хотин-қизлар фаоллари фаолият олиб бормоқда. Маҳалла хотин-қизлар фаоллари “Аёллар дафтари”га киритилган хотин-қизлар билан манзилли иш ташкил қилган.

Жумладан, шу кунгача 3-босқич “Аёллар дафтари”га киритилган 2785 нафар хотин-қизларнинг 2720 нафарига ёрдамлар кўрсатилиб, шундан:  ижтимоий ҳимояга муҳтож ишсиз 1097 нафар эҳтиёжманд хотин-қизларнинг 1097 нафарининг бандлиги таъминланди. Тадбиркорлик қилиш истагини билдирган 420 нафар хотин-қизларнинг 369 нафарига кредит маблағлари ажратилди. Боқувчиси бўлмаган 381 нафар эҳтиёжманд хотин-қизларнинг 379 нафарига “Аёллар жамғармаси” томонидан БҲМнинг 4 баробари миқдорида бир марталик моддий ёрдамлар кўрсатилди.

Бандликка кўмаклашиш ва аҳолини ижтимоий муҳофаза қилиш маркази билан ҳамкорликда шу кунгача 2667 нафар хотин-қизларнинг бандлиги таъминланди. Шунингдек, 644 нафар хотин-қизлар касб-ҳунарга қайта ўқитилди. Ажрим ёқасига келиб қолган оилалар билан мунтазам равишда иш олиб борилмоқда. Шу кунгача 109 нафар оила яраштирилди.

Шу кунгача 4102 нафар хотин-қизлар онконазорат кўригидан, 3197 нафар хотин-қизлар скрининг кўригидан ўтказилди.

Йиғилиш давомида депутатлик гуруҳи вакиллари туман хотин-қизлар бўлими томонидан хотин-қизларнинг ҳуқуқларини ва қонуний манфаатларини таьминлаш бўйича жорий йилнинг 9 ойи давомида олиб борган ишлари бўйича ҳисоботини тинглар экан,  қилинган ишларни таҳлил қилиб, бўлим томонидан жорий йил якунига  қадар  қилиниши  керак  бўлган ишлар бўйича ўзларининг фикр ва таклифларини ҳам билдириб ўтишди. 

O'zLiDeP Қорақалпоғистон Республикаси

Кенгаши матбуот хизмати

  • Кўрилди
    366
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+