Депутат ташаббуси: 12 нафар аёл тадбиркорликка йўналтирилди, 167 нафар хотин-қизлар бепул касб-ҳунар ўрганишди

31.10.2022, 15:58

Депутат ташаббуси: 12 нафар аёл тадбиркорликка йўналтирилди, 167 нафар хотин-қизлар бепул касб-ҳунар ўрганишди

O'zLiDeP Олмазор туман Кенгаши раисининг аёллар масалалари бўйича ўринбосари, Халқ депутатлари Олмазор туман Кенгаши депутати Муяссар Нигматова ташаббуси билан “Себзор”, “Янги Себзор”, “Намуна” маҳалла раислари, фаоллари, ёшлар етакчилари, хотин-қизлар фаоллари, хоким ёрдамчилари, профилактика инспекторлари, маҳалла жамоатчилик кенгаши аьзолари, нуронийлар, мактаб ўқитувчилари иштирокида учрашув ташкил этилди.

Тадбир савол-жавоблар билан кўтаринки руҳда бўлиб ўтди. Иштирокчилар берган саволларига аниқ жавоблар ва кенг маълумотлар олишди.

Таъкидлаш жоизки, депутат Муяссар Нигматова фаол ва ташаббускор халқ вакилларидан бири. У бошчилигида “Аёллар дафтари”га киритилган 12 нафар аёл тадбиркорликка йуналтирилди, шунингдек, 167 та эҳтиёжманд оилаларнинг қизлари, келинларига “Шахноз ўқув маркази”да бепул касб-ҳунар ўрганишга ёрдам кўрсатилган. Натижада шунча иш ўрни яратилди.

Бугунги кунда хотин-қизлар ҳуқуқлари ва қонуний манфаатларини ҳимоя қилиш ҳамда уларнинг мамлакат ижтимоий-сиёсий ҳаётидаги роли ва фаоллигини янада ошириш борасида амалий ишлар қилинмоқда. Ҳозирги кунда давлат ва жамият бошқарувида аёлларнинг ўрни ва мавқеини янада мустаҳкамлаш – ислоҳотларимизнинг муҳим йўналишларидан бири бўлиб қолаверади.

  • Кўрилди
    387
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+