Асакада 111 гектар майдонда ташкил этилаётган замонавий иссиқхона фаолияти билан танишилди

11.11.2022, 16:32

Асакада 111 гектар майдонда ташкил этилаётган замонавий иссиқхона фаолияти билан танишилди

Олий Мажлис Қонунчилик палатаси спикер ўринбосари, O'zLiDeP фракцияси раҳбари, Ўзбекистон фермер, деҳқон хўжаликлари ва томорқа ер эгалари кенгаши раиси Актам Хаитов Андижон вилоятида бўлиб, бир қатор тадбиркорлик субъектлари, деҳқон хўжаликлари, кластерлар ва аҳоли томорқаларини кўздан кечирди.

Партия етакчиси ўрганишлари давомида Асака тумани адирлик ҳудудида «Сабо ҳамкор» МЧЖ томонидан 111 гектар майдонда ташкил этилаётган «Net House» усулидаги замонавий иссиқхона фаолияти билан танишди. Иссиқхонада 10 турдан ортиқ экспортбоп маҳсулотлар етиштирилмоқда.

Бугунги кунда 15 гектар майдонда иссиқхоналар қурилиш ишлари якунланиб, ҳудуднинг ички йўллари асфальтлаш ишлари олиб борилмоқда. Иссиқхоналарда галубика, малина, қулупнай, помидор, бодринг, бақлажон, карам, булғор қалампир каби маҳсулотлар экилган бўлиб, ҳосилни йиғиштириб олиш ишлари бошлаб юборилган.

Лойиҳанинг умумий қиймати 40 миллион АҚШ долларни ташкил этади. Ушбу лойиҳа доирасида биргина Асака туманнинг ўзида 600 нафар фуқаро доимий, 2 минг нафардан зиёди эса мавсумий, даромадли иш билан таъминланади.

Бу эса аҳоли бандлигини таъминлаш ҳамда бозор расталарини арзон ва сархил меваларга тўлдириш, экспортбоп маҳсулотлар ҳажмини ошириш, энг муҳими, унумдорлиги паст бўлган майдонлардан яхшигина даромад олиш борасидаги имкониятларни оширади.

Партия раҳбари Актам Хаитов тадбиркор фаолияти билан танишар экан, иссиқхонада етиштирилаётган маҳсулотларни бозорини топиш, экспортини йўлга қўйиш борасида яқиндан кўмакчи бўла олишлиги, яна кўплаб қишлоқ аҳолисини бандлигини таъминлаш борасида ўз таклифларини бериб ўтди.

  • Кўрилди
    498
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+