Кўкдалалик аёллар бепул тиббий кўрикдан ўтказилди
21.11.2022, 17:13
Кўкдала тумани марказида қад ростлаган марказий поликлиникада O’zLiDeP Қашқадарё вилоят кенгаши “Аёллар қаноти” гуруҳи томонидан “Соғлом оила-мустаҳкам оила” лойиҳаси доирасида бепул тиббий кўрик ташкил этилди.
Яқин атрофдаги маҳалла ва қишлоқлардан келган 80 нафардан хотин-қизлар малакали шифокорлар кўригидан ўтдилар. Аниқланган касалликлар бўйича 10 нафар хотин-қизларга вилоят шифохоналарида даволаниш учун йўлланмалар берилди. 20 нафари эса мазкур шифоатхонада ўз саломатлигини тиклайдиган бўлди.
- Қишлоқ аёллари турмуш ташвишларидан ортиб, малакали тиббий кўрикдан ўтиш учун вақт ва маблағ топа олмайдилар, -дейди вилоят кенгаши депутати Момосулув Бердиқулова. – Шуни ҳисобга олган ҳолда бугунги тадбирда малакали шифокорларни таклиф этдик. Кўпчилик опа-сингилларимиз ўзларида мавжуд касалликларни эшитиб, кўрикни ташкил этганлигимиз учун бизга миннатдорчилик билдиришди. Албатта, туман янгидан ташкил этилганлиги боис туман хотин-қизларига малакали тиббий хизмат кўрсатиш борасида бир қатор камчиликлар бор.
Тадбир жараёнида хотин-қизларнинг саломатлигини муҳофаза қилиш, ёш қизларни турмушга тайёрлаш, оналик ва болаликни муҳофаза қилиш борасида амалий таклифлар билдирилди.
O’zLiDeP Қашқадарё вилоят кенгаши
Матбуот хизмати.
Ўхшаш янгиликлар
-
O‘zLiDeP “Аёллар қаноти” лойиҳалари орқали ишсиз хотин-қизлар тадбиркор бўляпти
09.04.2024, 19:51
-
Қоратепалик Матлуба опа томорқасидан ҳар йили 30 миллион сўм даромад қилмоқда
09.04.2024, 19:43
-
Хотин-қизларнинг иқтисодий, ижтимоий ва сиёсий фаоллигини оширишга эътибор янада кучайган
31.03.2024, 10:50
-
Маҳалладаги хотин-қизларнинг муаммо ва таклифлари ўрганилди
01.03.2024, 22:00
-
Гулчи опа маҳалла хотин-қизларига ўз тажрибасини оммалаштирди
24.02.2024, 12:19
Фикрингизни қолдиринг