Партия вакиллари хоразмлик талаба ёшлар билан очиқ мулоқот қилди

23.11.2022, 15:11

Партия вакиллари хоразмлик талаба ёшлар билан очиқ мулоқот  қилди

O’zLiDeP Хоразм вилоят Кенгаши ва Урганч давлат Университети билан ҳамкорликда “Янги авлод кадрлари лойиҳаси доирасида тадбир ташкил этилди.

Тадбирда O’zLiDeP  Хоразм вилоят Кенгаши раиси И.Файзуллаев, Ташкилий-партиявий ва истиқболли кадрлар билан ишлаш бўлими мудири Ш.Атажанов, университет профессор-ўқитувчилари, талаба ёшлар, партия фаоллари иштирок этишди.

Тадбирда сўз олган партия вакиллари “Янги авлод кадрлари” лойиҳасининг мақсади хусусида тўхталиб, партия иш фаолиятида кадрлар захирасини шакллантириш ва уларнинг малакасини ошириш, партиянинг ривожи учун муносиб фаолларни танлаб олиш эканлигини билдиришди. Партия сафини билимли, ташкилотчи ва ватанпарвар ёш кадрлар билан тўлдириш бугунги кунинг муҳим масаласи экани эътироф этилди.

Тадбир давомида сиёсий жараёнларга қизиқиши баланд бўлган 6 нафар ёшлар истиқболли кадрлар захирасига олинди. Тадбир сўнгида университетнинг фаол талаба ёшларига партиянинг аъзолик гувоҳномалари ва эсдалик совғалари топширилди.

  • Кўрилди
    313
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+