O'zLiDeP депутатлари мамлакатимизда совуқ об-ҳавонинг янги тўлқини кузатилаётган кунларда аҳолини газ, электр энергияси ва кўмир билан таъминлашда юзага келаётган муаммоларни бартараф қилишда кўмаклашишга қаратишган.

Халқ депутатлари Бекобод туман Кенгашидаги O`zLiDeP депутатлик  гуруҳи раҳбари Нуриддин Бегматов ҳам ўзи сайланган ҳудуд “Пахтакор”, “Деҳқонобод”, “Ёшлик-2” маҳалла фуқаролар йиғинларида истиқомат қилувчи аҳолининг мушкулини осон қилишга бел боғлаган.

Бу йилги қишнинг кескин совуқ келгани аҳолини электр энергияси, суюлтирилган газ билан таъминлашда қатор қийинчиликларни туғдира бошлаганди.

Депутат Нуриддин Бегматов аҳоли эҳтиёжи учун зарур бўлган электр энергияси, суюлтирилган газ ва кўмир билан таъминлашга яқиндан кўмаклашиш мақсадида 1-сектор ишчи гуруҳи аъзолари, Бекобод тумангаз, Зафар электр тармоқлари идораси раҳбарлари билан биргаликда жонбозлик кўрсатмоқда.

Депутат бош-қошлигида аҳолига суюлтирилган газ ва кўмир тарқатилиб, электр тармоғида узилишлар бўлмаслиги қатъий назорат қилинмоқда.

Натижада, аҳоли хонадонларининг барқарор энергия ва суюлтирилган газ билан таъминлашга эришилмоқда.

Зухро Мирзоҳамдамова,

O'zLiDePТошкент вилоят Кенгаши

бўлим мудири