Аҳолининг ижтимоий ҳимояга муҳтож қатламини, ногиронлиги бор инсонларни ҳар томонлама қўллаб-қувватлаш, уларнинг оғирини енгил қилиш борасида халқ депутатлари Жиззах шаҳар Кенгашида фаолият олиб бораётган 11 нафар O`zLiDeP депутатлик гуруҳи аъзолари ҳам тизимли равишда бир қатор ишларни амалга оширмоқдалар.  Жиззахлик фаол депутатларимиздан бири – Абдулазиз Хўжаков,  шаҳардаги “Шодлик” МФЙда ҳоким ёрдамчиси сифатида ҳам фаолият олиб бормоқда.

Яқинда маҳаллада истиқомат қилувчи ногиронлиги бор фуқаролар ногиронлар кресло-аравачалари олишда ёрдам сўраб депутатга мурожаат қилишди. Ушбу мурожаатни ўз назоратига олган Абдулазиз Хўжаков томонидан тегишли мутасадди ташкилотларга депутатлик сўровномалари чиқарилди.

Натижада мурожаатлар ижобий ҳал қилиниб, 4 нафар ногиронлиги бор фуқаролар оддий ва бир нафар ногиронлиги бор фуқаро электр юритмали ногиронлар кресло-аравачалари билан таъминланди.

Зайниддин Эшқулов,

O`zLiDeP Жиззах вилоят кенгаши

СТМ ва депутатлик гуруҳлари

билан ишлаш бўлими мудири