Ўзбекистон Либерал-демократик партияси ёшларни касб-ҳунарга ўргатиш, тадбиркорликка жалб қилиш ва бизнес лойиҳаларини ҳаётга тадбиқ қилишда кўмаклашиш, шу орқали ёшларнинг бандлигини таъминлашда яқиндан кўмакчи бўлиб келмоқда.

O‘zLiDeP Фарғона шаҳар Кенгаши томонидан тадбиркорликка қизиқиши бўлган ёшлар иштирокида «Фарғона тошдан қоғоз Ўзбекистон-Хитой» қўшма корхонасида учрашув ташкил қилинди.

Мазкур корхона раҳбари Абдураҳмон Ниёзов ёшларга тадбиркорлик фаолияти ҳақида гапириб бераркан, тошдан қоғоз ишлаб чиқариш ғояси, технологиясига  алоҳида тўхталиб ўтди, бевосита ишлаб чиқариш жараёнлари билан таништирди.

Мулоқот жараёнида экологик тоза, арзон ва сифатли қоғоз ишлаб чиқариш ва мамлакат ички бозорини ушбу маҳсулот билан таъминлаш, айниқса, бу йўналишда инновацион ғояларни амалиётга жорий этиш замоннинг талаби эканлигини бугунги кунда барча тадбиркорлар англаб этаётганлигини таъкидлади.

Танишувдан сўнг бўлажак ёш тадбиркорлар ишбилармон бўлиш учун ҳаракатдан ташқари пухта билим ва инновацион ғоялар ҳам зарур эканлигига яна бир бор ишонч ҳосил қилдилар.