Маҳаллаларда ишсиз хотин-қизларни томорқадан фойдаланиш бўйича билим ва кўникмаларини ошириш орқали бандлигини таъминлашга эришиш мақсадида тажрибали томорқачилар хонадонида маҳорат дарслари ўтказиб келинмоқда.

Янгиқўрғон туманидаги “Ровут” МФЙда оилавий тадбиркорлик билан шуғулланиб келаётган Отабоева Шахзода хонадонида маҳаллада истиқомат қилувчи ишсиз аёллар учун “Маҳорат дарси” ташкил этилди.

Иштирокчилар иссиқхоналарда етиштирилаётган маҳсулотларни парвариш қилишдан тортиб, уруғлик олишгача бўлган жараёнлар билан таништирилди.

Хонадон соҳиби иссиқхонани бир неча йил олдин имтиёзли кредит эвазига бунёд қилган эди. Ҳозирда барча қилинган харажатлар ва кредит қарзлари тўланди.

Учрашув якунида иштирокчиларнинг тадбиркорликка қизиқиши ортганлиги ва келажакда иссиқхона ташкил этиш мақсади уйғонганлигини айтиб ўтишди.