30 апрель юртимизда муҳим сиёсий жараён аввалида талаба-ёшлар учун Референдум ташвиқотига бағишланган учрашув бўлиб ўтди.

Учрашувда O'zLiDeP Сиёсиё Кенгаши Ижроия қўмитаси бўлим мудири, Ёшлар парламенти аъзоси Отабек Собитов, Тошкент кимё технологиялари институти талаба-ёшлари иштирок этишди.

Ташвиқот аввалида Ёш олимлар Лигаси доирасида Янгиланаётган Конституцияда Олий таълим ташкилотларига академик эркинлик берилиши, танлов асосида давлат ҳисобидан бепул олий маълумот олиниши, нодавлат таълим ташкилотлари қўллаб-қувватланиши тўғрисидаги қоидалар ёш авлод ҳаётини яхшилаш, уларнинг орзу-интилишларини рўёбга чиқариш, замонавий мутахассисликларни эгаллаган ҳолда ҳаётда ўз ўрнини топиши ва шахсий ривожланиши учун имконият яратишига оид моддалар тўғрисида маълумот берилди.

Ёш олимларни қўллаб-қувватлаш йўналишида юртимизда сўнги йилларда амалга оширилаётган ислоҳотлар ёшларга етказилди ҳамда 30 апрель – Референдумда фаол иштирок этишга чақирилди.