Хотин-қизларни ҳар томонлама қўллаб-қувватлаш, “Аёллар дафтари”га киритилган хотин-қизларга моддий-маънавий ёрдам кўрсатиш, шунингдек, эҳтиёжманд аҳолини қийнаб келаётган масалаларга ечим топиш мақсадида партия Аёллар қаноти томонидан ташкил этилган “Бир депутат - юз аёлга кўмакчи” лойиҳаси доирасида маҳаллий кенгаш депутатлари томонидан кўплаб амалий ишларга қўл урилмоқда.

Бу борада, Халқ депутатлари Янгиариқ туман Кенгашидаги O’zLiDeP депутатлик гуруҳи аъзоси Саодат Абдукаримова ҳам мазкур лойиҳа доирасида эҳтиёжманд оилаларга кўмак кўрсатиб келяпти.

Янгиариқ тумани «Янгиариқ» МФЙдаги «Аёллар дафтари» рўйхатида турган ишсиз аёлларга субсидия асосида тикув машинаси ва асбоб-ускуналар олиб беришда ва бандлигини таъминлашда ташаббус кўрсатди. Мазкур маҳалла фуқаролари М.Каримовага тикув машинаси ҳамда Д.Атажановага гўзаллик салони очиш учун яқиндан кўмаклашилди. Ҳозирги кунда бу маҳалла хотин-қизлари ўз-ўзини банд қилиб, фаолиятларини олиб бормоқдалар.