O‘zLiDeP Қарши шаҳар ташкилотининг навбатдан ташқари конференциясида вилоят кенгаши раиси ўринбосари, шаҳар кенгаши депутати  Арзиқул Шеров, депутатлардан Тўлқин Расулов, Ғайрат Асадов, Фахрийлар кенгаши раиси Илҳом Ўринов ва бошқалар сўзга чиқди. Улар кенгаш фаолиятини янада жонлантириш, шаҳарда кичик бизнес ва хусусий тадбиркорликни ривожлантириш, депутатлар гуруҳи ишини бугунги кун талаблари даражасида ташкил этиш орқали сиёсий жараёнда етакчиликни ошириш ва энг юқори натижаларга эга бўлиш учун курашиш зарурлиги алоҳида таъкидлашди.

– O‘zLiDeP Қарши шаҳар кенгаши томонидан сайловолди кампанияси даврида тарғибот ва ташвиқот ишларини янада самаралироқ ташкил этиш учун 108 та бошланғич ташкилотларида Президент сайловини уюшқоқлик билан ўтказиш ҳамда шаҳар конференциясига делегатлар сайлаш масалаларига бағишланган умумий йиғилишлар ўтказилди, – деди депутат Тўлқин Расулов. – Сиёсий жараёнда кенгаш таркибидаги 80 367 нафар партия аъзоларининг фаоллигини таъминлашимиз зарур. Эндиликда барча мулк шаклларининг тенг ҳуқуқлилиги, ишбилармонлар қонунчиликка мувофиқ ҳар қандай фаолиятни мустақил танлаши ва амалга оширишга ҳақлилиги, уларга қулай шароит яратиш мақсадида муҳим қонунлар, давлатимиз раҳбарининг қатор фармон ва қарорлари қабул қилинганини тушунтиришимиз керак.

Йиғилиш сўнгида кун тартибидан ўрин олган масалалар юзасидан қарорлар қабул қилинди ва O‘zLiDeP Қашқадарё вилоят партия ташкилотининг навбатдаги конференциясига делегатлар сайланди.

O‘zLiDeP Қашқадарё вилоят кенгаши

матбуот хизмати