O‘zLiDeP Сиёсий Кенгаш Ижроия қўмитаси Сиёсий таълим маркази Жиззах вилоятида партия вилоят, туман (шаҳар) Кенгашлари аппарат раҳбарлари, депутатлик гуруҳи ижрочи котиблари ва депутатлик гуруҳи раҳбарларининг малакасини оширишга қаратилган ўқув-семинар ташкил этди.

Семинарда депутатларга маҳаллий бюджет шаклланиши, тақсимланиши ва сарфланиши, сайёр қабулларда кўтарилган муаммолар устидан депутатлик назоратини ўрнатиш, мавжуд муаммолар юзасидан депутатлик сўровлари юбориш, депутатлик сўрови орқали ҳал этилмаган айрим муаммоларни Олий Мажлис Қонунчилик палатасидаги O‘zLiDeP фракцияси орқали ҳал этиш механизмлари ўргатилди.

– Тан олиш керак, бугунги кунда партия ҳудудий кенгашларида олиб борилаётган ишларни қониқарли деб бўлмайди, – дейди Халқ депутатлари Мирзачўл туман Кенгашидаги O‘zLiDeP депутатлик гуруҳи ижрочи котиби Бобомурод Эгамов. – Шу сабабли бўлиб ўтган ўқув курслари давомида олган билим ва кўникмаларимиз иш фаолиятимизни тубдан такомиллаштиришда, янги ғоялар ва ташаббуслар билан ривожлантиришда асқотиши шубҳасиз.

Семинарда иштирокчиларнинг фаолиятини самарали олиб боришга тўсқинлик қилаётган камчиликлар ва галдаги вазифалар муҳокама қилинди.

                                    Саида УМАРАЛИЕВА,

O‘zLiDeP Жиззах вилоят Кенгаши

матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!