O‘zLiDeP Янгиобод туман Кенгаши томонидан Президентимизнинг жорий йилнинг 7 июндаги “Ҳар бир оила – тадбиркор” Дастурини амалга ошириш тўғрисида”ги қарори мазмун-моҳиятига бағишланган тадбир ташкил этилди.

Қайд этилганидек, мазкур қарор оилавий тадбиркорликни йўлга қўйиш ёки фаолиятини кенгайтириш ҳаракатида юрган ишбилармонларни ниҳоятда хурсанд қилди. Зеро, ҳужжатда бир қатор зарурий чора-тадбирлар қатори  қишлоқ ва маҳаллаларда бўш турган ер майдонларини янги ташкил қилинган оилавий тадбиркорлик субъектларига бериш орқали аҳоли учун қўшимча иш ўринлари ва даромад манбаларини яратиш масаласига алоҳида эътибор қаратилган.

– Туманимизда қадимий ҳунармандчилик анъаналари кўп, – дейди Халқ  депутатлари Янгиобод туман Кенгашидаги партия депутатлик гуруҳи аъзоси  Х.Назарқулов. – Мисол учун, Зиёкор маҳалласида иш қуролларидан тортиб, дутор, рубоб ясайдиган уста ҳунармандларимиз бор. Ёки туманимизга хос тўқимачилик турларини олайлик. Бир пайтлар бу ерларда тўқилган гиламлар довруғи узоқ-узоқларга тарқаган эди. Бу анъаналарни тиклаш, уларни замонавий технологияларни жалб қилган ҳолда ривожлантириш, ишлаб чиқарилган маҳсулотлар савдосини ташкил қилиш орқали янги иш ўринлари яратиш имконияти туғилади. Давлатимиз раҳбари томонидан имзоланган мазкур Қарор эса бу борадаги ишларни янада тезлаштирди десак, янглишмаймиз.

Тадбирда ҳужжат ижросини таъминлаш борасида партия вилоят Кенгаши томонидан амалга оширилиши лозим бўлган муҳим вазифалар белгилаб олинди.

Дилшод ТУРСУНБОЕВ,

O‘zLiDeP Жиззах вилоят

Кенгаши ходими

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!