Карманалик Темур Асадов O‘zLiDeP Навоий вилоят Кенгаши кўмагида тижорат банкидан 800 миллион сўм имтиёзли кредит олган эди. У ҳозирда 40 нафар ёшни иш билан таъминланган.

– Корхонамиз 200 тонна пилла, 40-45 тонна ипак маҳсулотларини қайта ишлаш ва 30 тонна момиқ ишлаб чиқариш қувватига эга, – дейди Т.Асадов. – Лекин биз фаолиятимизни янада кенгайтириб, қўшимча иш ўринлари яратмоқчимиз. Ҳатто, бунинг учун “Корхона фаолиятини ривожлантиришнинг 5 йиллик режаси”ни ҳам ишлаб чиқдик. Режага мувофиқ, калава ип ишлаб чиқариш ҳамда ипакдан гилам маҳсулотлари тайёрлашни йўлга қўямиз. Натижада ёшлар учун яна 70-80 та иш ўрни яратилади.

Таъкидлаш керак, ёш тадбиркор Хитой ва Миср билан экспорт бўйича шартнома имзолаган. Шу кунларда эса Туркия ва бошқа давлатлар билан экспортни йўлга қўйиш ҳаракатида юрибди.

O‘zLiDeP Навоий вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!