O‘zLiDeP Ҳазорасп туман Кенгаши томонидан “GM Uzbekiston” АЖ қошида фаолият юритаётган БПТда Президентимизнинг 2018 йил 27 июндаги “Yoshlar – kelajagimiz”  давлат Дастури тўғрисида”ги Фармони тарғиботига бағишланган тадбир ташкил этилди.       

Тадбирда Дастурда белгиланган вазифалар барча идора ва ташкилотлар қатори O‘zLiDeP “Ёшлар қаноти” зиммасига ҳам катта масъулият юклаши айтиб ўтилди. Шундан келиб чиқиб, партиянинг ҳар бир фаоли ёшларни тадбиркорлик фаолияти билан шуғулланишга фаол жалб қилиши ҳамда ёш тадбиркорларнинг истиқболли ғоялари ва лойиҳаларини рўёбга чиқаришга кўмаклашиш лозимлиги қайд этилди.

–Дастурда белгиланган вазифалар нафақат “Ёшлар қаноти”ни балки партиянинг ҳар бир аъзосини фаол ва ташаббускор бўлишга чорлайди, – дейди Халқ депутатлари вилоят Кенгашидаги O‘zLiDeP депутатлик гуруҳи раҳбари Б.Рўзметов. – Шу боис, тадбир давомида уюшмаган ёшларни аниқлаш, уларни қизиқишларини ўрганиш, тадбиркорлик фаолияти билан шуғулланиш истагида бўлган ёшларни янги инновацион ғоялари ва ташаббусларини ҳар томонлама қўллаб-қувватлашлашга алоҳида эътибор қаратдик. Зотан, мақсадимиз фақат дастур мазмун-моҳиятини муҳокама қилиш эмас, балки ижросини таъминлаш бўйича муҳим вазифаларни белгилаб олиш.

Тадбирда шунингдек, корхона ишчи-ходимлари томонидан оилавий тадбиркорлик қилиш истагини билдирган, янги тадбиркорлик фаолиятини бошлашга қизиққан ёшларнинг рўйҳати шакллантирилиб, уларга зарур тавсия ва  кўрсатмалар берилди.

У.МАТКАРИМОВ,

“GM Uzbekiston” АЖдаги

БПТ раиси

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!