Давлатимиз раҳбари томонидан 2018 йил 7 июнь куни имзоланган “Ҳар бир оила – тадбиркор” дастурини амалга ошириш тўғрисида”ги Қарор ёшлар тадбиркорлигини қўллаб-қувватлаш, уларни бизнес билан шуғулланишга фаол жалб қилиш ва бандлигини таъминлашга қаратилгани билан аҳамиятлидир. Шу боис, бугун ҳужжат ижросини таъминлаш борасида давлат ва надавлат ташкилотлари, жумладан, сиёсий партиялар томонидан тизимли ишлар олиб борилмоқда.

Бу ҳақда гапирганда аввало, O‘zLiDeP Зарафшон шаҳар Кенгаши томонидан ҳаётга татбиқ этилаётган амалий ишларни алоҳида таъкидлаш жоиз. Боиси, партия ташаббуси билан шаҳарда “Ёшлар меҳнат гузари” ташкил этилди ва тадбиркорлик фаолиятини бошламоқчи бўлган ёшларга 5 йилга имтиёзли жой ажратилди.

Мамлакатимизда яратилаётган имкониятлардан самарали фойдаланаётган Дилором Шабонова ҳам ёш бўлишига қарамай устоз-шогирд анъанасини давом эттирган ҳолда, 3 нафар тенгдошини иш билан таъминлаб цех фаолиятини янада кенгайтирмоқчи.   

–Болаликдан тадбиркорлик билан шуғулланишни орзу қилардим. Шу мақсад мени партияга етаклаб келди, – дейди Д.Шабонова. – Партиянинг қатор тадбирларида иштирок этиб, ёшларимизга яратилган имкониятлардан хабардор бўлдим. Энг муҳими, партия фаоллари безнис ғоямни қўллаб-қувватлаб, “Ёшлар келажагимиз” Давлат дастури доирасида имтиёзли кредит олишда кўмаклашди.

Таъкидлаш керак, партия Зарафшон шаҳар Кенгаши кейинги фаолиятида ҳам ёшларни тадбиркорлик фаолияти билан шуғулланишга фаол жалб қилиш ҳамда ёш тадбиркорларнинг истиқболли ғоялари ва лойиҳаларини рўёбга чиқаришга кўмаклашиш ишларини изчил давом эттиради.                                                                    

М.ХУДАЙБЕРДИЕВА,

O‘zLiDeP Зарафшон шаҳар

 Кенгаши ижрочи котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!