Ургутлик тадбиркор кўпчилик тадбиркорларни ўйлантираётган таклиф билан чиқди
08.09.2018, 09:57
Аввал хабар қилинганидек, мавжуд муаммоларни ўрганиш ҳамда аҳоли билан яқиндан мулоқот қилиш мақсадида партия ходимларидан иборат ишчи гуруҳ Самарқанд вилоятида бўлиб турибди. Ишчи гуруҳ Ургут туманига ташриф буюрди.
Пайпоқ, болалар ва катталар кийим-кечаклари ишлаб чиқаришга ихтисослашган “Ургут-Алфа-Альянс” МЧЖ корхонаси раҳбари Д.Саидмуродовнинг фикрича, кичик тадбиркорлик субъектларини йиллик товар айланмаси 1 миллиард сўмни ташкил этса, амалдаги тартиб-таомилларга кўра соддалаштирилган солиқ тўлайди. Агар ушбу маблағ 1 миллиарддан ошса, умум белгиланган солиқларни тўлаши белгиланган. Тадбиркорни асослашича, кичик корхоналар учун белгиланган ушбу миқдорни 5 миллиард этиб белгилаш керак. Чунки, кичик корхона бўлсада, бугун товар айланмаси 1 миллиарддан ошаётган тадбиркорлар сафи кундан-кунга кенгайиб бораяпти.
Ишчи гуруҳ аъзолари ушбу масалани атрофлича ўрганиб, масалани Олий Мажлис Қонунчилик палатасидаги O‘zLiDeP фракцияси эътиборига ҳавола этди. Ҳозирда ушбу масала бўйича Давлат солиқ қўмитасига депутатлик сўрови киритилаяпти.
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
“Энг яхши бизнес режа” танлови ғолиблари тақдирланди
18.01.2024, 17:11
-
Хизмат кўрсатиш салмоғи ортмоқда
17.01.2024, 16:31
-
140 турдаги мебел маҳсулотлари ишлаб чиқараётган O'zLiDeP фаолининг йиллик даромади 11,4 млрд. сўмни ташкил этади
06.10.2023, 14:02
-
Депутатлар тадбиркорларнинг таклифларини ўрганди
29.09.2023, 15:46
-
Тадбиркорлар муваффақиятга эришиш сирлари билан ўртоқлашди
22.09.2023, 15:17
Фикрингизни қолдиринг