O‘zLiDeP Сиёсий Кенгаши Ижроия қўмитаси раиси, Ўзбекистон фермер, деҳқон хўжаликлари ва томорқа ер эгалари кенгаши раиси вазифасини бажарувчи Актам Хаитов Китоб туманидаги тадбиркорлар, фермерлар фаолияти билан яқиндан танишди.

Ташриф давомида тумандаги тадбиркорлар, кўп тармоқли фермер хўжаликлари раҳбарлари ҳамда O‘zLiDeP Қашқадарё вилоят, туман  Кенгаши фаоллари билан учрашув ташкил этилди.

Абдусалом Ўроқов дала шийпонида ўтказилган очиқ мулоқотда O‘zLiDeP  раҳбари А.Хаитов партия олдида турган устувор вазифалар, унинг жамиятдаги ўрни ва роли, партия ғояларини аҳоли орасига кенг тарғиб қилиш бўйича мутасаддиларга тегишли кўрсатмалар берди.

Шунингдек, мулоқотлар чоғида томорқадан самарали фойдаланиш, иссиқхона барпо этиш, тўқсонбости экинларини экспорт қилиш тизимини йўлга қўйиш, инвесторлар иштирокида кўп тармоқли фермер хўжаликларида мастер класслар ташкил этиш борасида зарур тавсиялар берди.

Таъкидлаш керак, ташриф давомида O‘zLiDeP раҳбари А.Хаитов “Денов” қишлоғида истиқомат қилаётган Холмахмат Ахатқулов хонадонида бўлиб, 500 тонна қишлоқ-хўжалиги маҳсулотларини сақлашга мўлжалланган совитгич омборини кўздан кечирди. Тадбиркорнинг фаолиятини янада кенгайтиришда йўл-йўриқлар кўрсатди, партия ҳар доим қўллаб-қувватлашга тайёр эканлигини билдирди.

O‘zLiDeP Қашқадарё вилоят Кенгаши

матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!