Ургут эркин иқтисодий зонасининг Нуробод тумани “Ургут -2” ҳудудида O‘zLiDeP бошланғич партия ташкилоти раиси илк лойиҳани ишга туширди. 

Тадбирда Ургут ЭИЗ дирекцияси раҳбари Ж.Ҳайдаров, O‘zLiDeP вилоят Кенгаши ходимлари, вилоят ва туман ҳокимлиги раҳбарияти, нуронийлар, корхона ходимлари, хорижлик ҳамкорлар ҳамда марказий ва маҳаллий ОАВ вакиллари иштирок этди.

– Лойиҳа жорий йилнинг IV чорагида бажарилиши назарда тутилган эди –  дейди “TESPACK INVEST MENT” МЧЖ директори, партия қуйи бўғини етакчиси Савлат Восиев. – Лойиҳанинг умумий қиймати 1 млн 800 минг АҚШ долларига тенг бўлиб, “Ўзбек лизинг” лизинг компанияси кўмагида KZB банк томонидан молиялаштирилмоқда.  

Корхонада Хитой, Австрия, Япония технологиялари асосида суткасига 26200 донадан 40000 донагача полиэтилен терафталат (ПЭТ) капсулалари, 330 минг дона полиэтилен қопқоқлар, шунингдек полиэтилен плёнкалар ишлаб чиқарилмоқда. Лойиҳа доирасида 44 та иш ўринлари яратилиши назарда тутилган бўлиб, дастлабки босқичда 15 та иш ўрни яратилди.

Қодир Шойимов

O‘zLiDeP Самарқанд вилоят

Кенгаши бўлим мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!