Учма қишлоғи Фориш туманининг энг олис ҳудудларидан бири. Аҳолиси 6231 киши бўлиб, 1361 нафар оила истиқомат қилади. Аммо қишлоқда тоза ичимлик суви муаммоси узоқ йиллардан буён бартараф этилмай келмоқда.  

Ана шу муаммони ҳал этиш мақсадида O‘zLiDeP Фориш тумани Кенгаши ҳамда Халқ депутатлари туман Кенгашидаги партия депутатлик гуруҳи аъзолари иштирокида сайёр учрашув ташкил этилди.

– Қишлоғимизнинг юқори қисмидаги 30 хўжалик булоқ сувидан фойдаланади, – дейди маҳалла фуқаролар йиғини раиси Бегзод Ихтиёров. – Қишлоқнинг пастки қисмида яшовчи 70 хўжалик эса сув танқислигидан қийналяпти. Бугун депутат Карим Ихтиёров хомийлигида, хашар йўли билан 2,5 км узоқликдан сув қазилиб, маҳалла ва мактабларга ичимлик суви олиб келинди. Маҳалладаги кекса-ю, ёш депутат кўмагидан мамнун.

Сайёр учрашув давомида ҳудудларни ижтимоий-иқтисодий ривожлантириш ҳамда имтиёзли кредит олиш  масалаларига  доир  10 га яқин мурожаатлар муҳокама этилди. Муаммоларни ижобий ҳал этишга масъул ташкилотларга депутатлик сўровлари юбориладиган бўлди.

Саида УМАРАЛИЕВА,

O‘zLiDeP Жиззах  вилоят

 Кенгаши матбуот котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!