Бухорода O‘zLiDeP ташкил топганининг 15 йиллиги муносабати билан “Энг намунали туман (шаҳар) партия ташкилоти”, “Энг намунали бошланғич партия ташкилоти” ва “Халқ депутатлари маҳаллий Кенгашларидаги  энг фаол депутат” танловининг  вилоят босқичи бўлиб ўтди.

Унда танловнинг туман, шаҳар босқичи ғолиблари иштирок этди.  

Қайд этилганидек, Бухоро халқаро аэропорти ДУК қошидаги БПТ партия Дастури, Устави ва бошқа меъёрий ҳужжатлар билан ишлашда муайян тажриба тўпланган. Энг муҳими, ушбу таянч нуқта партиявий имиджда жиҳозланган, марказий ва маҳаллий ОАВ билан кенг ҳамкорликни  йўлга қўйган.

Якуний натижаларга кўра, “Бухоро халқаро аэропорти” ДУК қошидаги БПТ “Энг намунали бошланғич партия ташкилоти” деб топилди.

- Бизнинг бошланғич партия ташкилотимиз вилоят босқичида 11 та энг фаол қуйи бўғин орасида ғолибликни қўлга киритди, - дейди “Бухоро халқаро аэропорти” ДУК қошидаги БПТ етакчиси Умида Рустамова. – Ўтган вақт давомида бошланғич партия ташкилоти раҳбари сифатида тадбиркорлар ва фермерлар билан мулоқот қилдик, улар фаолияти билан яқиндан танишиб ўзимизнинг таклифларимизни бериб бордик. Айниқса, партия депутатлик гуруҳи аъзолари билан аҳоли орасига кириб бориб, муаммоларини партия воситалари орқали ечишга ҳаракат қилдик.

Шунингдек, O‘zLiDeP депутатлик гуруҳи аъзоси Замира Сафарова “Халқ депутатлари маҳаллий Кенгашларидаги энг фаол депутат”, партия Бухоро тумани Кенгаши эса “Энг намунали туман (шаҳар) партия ташкилоти” деб топилди.

Танлов сўнггида ғолиб ва совриндорлар партия вилоят Кенгаши томонидан  диплом  ва эсдалик совғалари билан тақдирланди.

O‘zLiDeP Бухоро вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!