Самарқандда O‘zLiDeP аъзолари сони 90 мингдан ошди. Жойларда партия дастурий мақсад ва вазифаларини кенг тарғиб қилиш, айниқса, жорий йилда бўлиб ўтадиган Олий Мажлис Қонунчилик палатаси ва маҳаллий кенгашлардаги сайловларда муносиб иштирок этишда бошланғич партия ташкилотларнинг муносиб ҳиссаси бор.

Шу сабабли, O‘zLiDeP Самарқанд вилоят Кенгаши аъзолар сонини 100 мингга етказишни мақсад қилган. Бу борада вилоят миқёсида партия акцияси ташкил қилинди.

Ушбу акция доирасида партия фаоллари томонидан Оқдарё туманидаги “Зарафшон текстел Лойиш-2” тикувчилик фабрикасида тарғибот тадбири ташкил қилинди. Унда партиянинг мақсад ва вазифалари, кейинги йилларда юртимизда тадбиркорлик соҳасининг ривожланиши учун яратилаётган шарт-шароитлар, шунингдек, “Ҳар бир оила тадбиркор”, “Ёшлар келажагимиз” давлат дастурлари доирасида ажратилаётган имтиёзли кредитлар, амалий ишлар борасида батафсил маълумотлар берилди.

Мазкур тикувчилик корхонасида 400 нафар ишчи ходим меҳнат қилиб, 30 турдан ортиқ кейим-кечаклар ишлаб чиқарилади. Корхона маҳсулотларининг 90 фоиздан ортиғи четга экспорт қилинмоқда. Тарғибот-ташвиқот тадбирлари натижасида 100 нафар ишчи-ходимлари партия аъзолигига қабул қилинди.

Бахтигул Қаршиева

O‘zLiDeP Самарқанд

вилоят Кенгаши

матбуот котиби