O‘zLiDePдан кўрсатилган номзодлар сайловчилар билан учрашди
28.11.2019, 10:16
Олий Мажлис Қонунчилик палатаси депутатлигига Ўзбекистон Либерал-демократик партиясидан номзод Абдулла Асланов Самарқанд вилояти сайловчилари билан учрашди.
Тадбир давомида номзод ўзининг сайловолди дастури юзасидан маъруза қилди.
“Ўзбекистон ўз тараққиётининг янги – миллий юксалиш, халқимизнинг ҳаёт даражаси ва турмуш сифатини ҳар томонлама юқори босқичга кўтариш учун дадил қадам қўймоқда. Барча соҳаларни модернизациялаш, инсон ҳуқуқ ва эркинликлари, қонун устуворлигини таъминлаш асосида Ўзбекистоннинг янги, демократик қиёфаси яратилмоқда. Бугунги кун депутати жамиятдаги муаммоларини ҳал этишда, фаровон ҳаёт қуришда хокимият ва халқ ўртасидаги хақиқий кўприк вазифасини ўташи керак”, – дейди А.Асланов.
Шу куни 58-Оқдарё сайлов округидан депутатликка кўрсатилган номзод Эркин Салихов ҳам ҳудуддаги 32,35-умумтаълим мактабларида сайловчилар билан учрашди.
Номзод ўз сўзида O‘zLiDeP тадбиркорлар ва ишбилармонларнинг фаолиятини ҳамиша қўллаб-қувватлаб келгани, партиянинг 2020-2025 йилга мўлжалланган Сайловолди платформасида ҳам соҳани янада ривожлантиришга алоҳида урғу берилганини таъкидлади.
“O‘zLiDeP сайловолди платформаси учун “Мақсадимиз ойдин ва унга эришишнинг аниқ йўлларини биламиз”, “Халқ бой бўлса, давлат ҳам бой ва қудратли бўлади” деган эзгу сўзларни шиор қилиб танлагани бежиз эмас. Чунки бизнинг мақсадимиз, юртимизни дунёнинг ривожланган давлатлар қаторида кўриш, халқимизнинг ҳаётини фаровон қилишдан иборат”, – деди Э.Салихов.
Бахтигул ҚАРШИЕВА,
O‘zLiDeP Самарқанд вилоят
Кенгаши матбуот котиби
Ўхшаш янгиликлар
-
Халқ билдирган ишончни оқласак, сайловчилар олдида юзимиз ёруғ бўлади
10.01.2020, 15:09
-
Олий Мажлис Қонунчилик палатаси депутатлигига сайланган О.Отахонова кўмагида шаҳрихонлик ёшлар ишли бўлди
09.01.2020, 17:42
-
Жамиятда изланувчан, фидойи бўлмаган депутат билан ҳеч қандай ютуққа эришиб бўлмайди
09.01.2020, 17:34
-
“Евроснар” МЧЖ раҳбари депутат бўлди
08.01.2020, 12:04
-
Халқ билдирган юксак ишончни оқлашга бор куч-ғайратимизни сафарбар этамиз
07.01.2020, 16:59
Фикрингизни қолдиринг