Сурхондарёда “Коронавирусга қарши биргаликда курашамиз!” шиори остида хайрия тадбирлари ўтказилмоқда. Хусусан, O‘zLiDeP фаоли Қ.Ҳасанов томонидан ташкил этилган тадбирда Сариосиё туманида яшовчи 100 нафар кам таъминланган оилаларга турли озиқ-овқат маҳсулотлари таркатилди.

—Туманимизнинг “Ҳалаки”, “Халқобод”, “Хўжақишлоқ” каби маҳаллаларида ҳам арзонлаштирилган гўшт маҳсулотлари савдо ярмаркаси ташкил этилди, — O‘zLiDeP Қумқўрғон туман Кенгаши аппарат раҳбари А.Мусаев. — Ярмаркада халқ вакили, “Гулистон МНЗ” фермер хўжалиги раҳбари М.Неъматов томонидан 500 килограмм қўй гўшти 30 минг сўмдан, қорамол гўшти эса 28 минг сўмдан, 3,5 тонна картошка 2 минг сўмдан фуқароларга хамёнбоп нархларда сотилди.

Шунингдек, Денов туман деҳқон бозорида ҳам партия вакиллари ташаббуси билан аҳоли эҳтиёжи учун зарур бўлган озиқ-овқат ва гўшт маҳсулотлари арзонлаштирилган нархларда сотилмокда.

O‘zLiDeP Сурхонлдарё вилоят

Кенгаши матбуот хизмати