O’zLiDeP Наманган вилоят кенгаши “Ёшлар қаноти” томонидан Уйчи туманининг Чуртук маҳалласида жойлашган “Mega ice home invest” корхонасида ёшлар учрашуви ташкил этилди.

Учрашувда мазкур корхона раҳбари Уйчи туман кенгаши депутати Ёқубжон Дадаханов тадбиркорлик сир асрорлари ва ўз фаолияти бўйича ёшларга сўзлаб берди.

Дуккаклик маҳсулотларини қайта ишлаш ва қадоқлашга ихтисослашган ушбу корхона ишга тушиши ҳисобига 20 нафарга яқин ёшлар бандлиги таъминланади.

Лойиҳанинг йиллик қуввати эса 6 турдаги 3000 тонна қишлоқ хўжалик маҳсулотларини қайта ишлаш ва қадоқлаш имкониятига эга бўлиб, ушбу маҳсулотларни Хитой Халқ Республикаси ҳамда МДХ давлатларига экспорт қилиш режалаштирилган.

Учрашув якунида корхона раҳбари ишга жойлашиш истагида бўлган ёшларни ишчиларга яратилган шароитлар билан ҳам таништирди ва биргаликда ишлашга тайёр эканлигини айтиб ўтди.

Юлдуз Юлдашева,

O‘zLiDeP Наманган вилоят кенгаши

Матбуот хизмати