O`zLiDeP Жондор тумани Кенгаши депутати Шуҳрат Бобоев ўз сайлов округидаги 13-мактабнинг кириш йўлагини асфальтлаштириб, атрофларини бетонлаштириш ҳамда эскирган ўриндиқларни янгилаш ишларида жонбозлик кўрсатди. Депутат ташаббуси ва ҳомийлигида бунёдкорлик ишлари амалга оширилди. Савобдан четда қолишни истамаган O`zLiDeP фаоллари, тадбиркорлар — Аҳмад Муродов, Жаҳонгир Зарипов ва Шаҳриёр Муҳаммадиевлар ҳам ҳомийлик ишларида кўпчиликка ўрнак бўлди.

— O`zLiDeP фаолларига раҳмат, — дейди мактаб директори Фахриддин Ражабов. — Мана, уларнинг саховати билан ўқув даргоҳимизнинг йўлаги обод қилинди. Депутатимиз  Шуҳрат Бобоев ўзи ўқиган мактабнинг ўқувчилари учун бу хайрли ишни ташкиллаштирди.  Депутатга жамоамиз номидан раҳмат айтамиз.

Депутатлар томонидан амалга оширилаётган хайрли ишлар вилоятнинг барча ҳудудларида давом этмоқда.