Халқ депутатлари Чилонзор туман Кенгашига партиямиздан сайланган депутат Шохруҳ Шодмонов чилонзорликларни қйнаб келаётган муаммолардан бирини ҳал қилди. бу ҳақда Шодмонов фейбсукдаги расмий саҳифасида маълум қилди.

“Кўпчилик депутат иши жараёни қандай бўлишига қизиқиб менга хатлар ёзишади. Мана масалан, менинг депутатлик фаолиятимдаги қилинган ишлардан бир мисол келтираман. Халқ депутатлари Чилонзор туман кенгашининг 2020 йил 29 майдаги сессиясида Лабиҳовуз кўчасига асфалт ётқизиш қарори қабул қилинганлигига қарамай, орадан 4 ой ўтса ҳам асфальт ётқизиш ишлари ҳокимият томонидан амалга оширилмаган эди. Шунда мен уларга қачон асфалт ишлари бошланиши бўйича депутат сўрови юбордим.

Улар мени "бу депутат янги келган, бундай ишларни яхши тушунмайди" деб ўйлаб, менга "асфалт ишлари қачон қилиниши керак бўлса, шунда қилинади" деган маънода ноаниқ жавоб беришди. Уларни тилида бу усул "отписка" дейилади. Агар уларни отпискасига индалмаса муаммо ҳеч қачон ечилмайди.

Мен эса уларга "менга отписка қилманглар, менга конкрет, аниқ жавоб беринглар, бу жавобингиз жавоб эмас" деган маънода яна такроран депутат сўрови юбордим. Агар яна бир марта "отписка" қилишса, бошқача қонуний чора кўриш учун юқори ташкилотга депутат сўрови киритмоқчи эдим.

Шундан сўнг, улар Лабиҳовуз кўчасидаги таъмирга муҳтож майдони бўйича асфалт ётқизиш ишларини тугаллаб, менга ёзма ахборот беришди.

П.С. Баъзи бир давлат ташкилотлари депутатлар сўрови "отписка" қилинмаслиги кераклигини тушуниб етишлари керак!”, – деб ёзади Шоҳрух Шодмонов.