Н.Саидова хўжаободлик. Қарамоғидаги уч фарзандини ёлғиз парвариш қилмоқда. “Аёллар дафтари”га киритилгани бежиз эмас. Мавсумий иш билан бандлиги ортидан топгани рўзғорга аранг етади. Тикувчиликка ўқуви бор. Тикув машинаси бўлса, рўзғорнинг бир томонини шунинг ортидан кўтариш мақсади бор...

O’zLiDeP Хўжаобод туман Кенгаши томонидан тадбиркорлик билан шуғулланиш истагидаги хотин-қизлар учун ташкил этилган давра суҳбати Н.Саидова каби фуқароларга айни муддао бўлди. Учрашувда иштирок этган туманнинг мутасадди ташкилот ва идоралари масъуллари, халқ депутатлари маҳаллий кенгашлардаги партия депутатлик гуруҳи аъзолари қатнашчиларни қизиқтирган саволларга жавоб бериш билан бир қаторда уларга амалий кўникмалар ҳам тақдим этдилар.

-Иштирокчилар орасидаги 13 нафар “Аёллар дафтари”га киритилган фуқаролар билан атрофлича суҳбатлашдик, - дейди O’zLiDeP Хўжаобод туман Кенгаши аппарат раҳбари, халқ депутатлари туман кенгаши депутати Баҳодиржон Сайдолимов.- Уларнинг ташаббусларини қўллаб-қувватлаш, бандлигини таъминлаш олдимиздаги долзарб вазифамиз. Шунинг учун ҳам уларнинг ҳар бирига маблағ ажратилишига эришдик. Бу маблағ эвазига улар тадбиркорлик ва ҳунармандчиликнинг турли йўналишларида фаолиятларини йўлга қўядилар.

Очиқ мулоқотда хотин-қизлар томонидан билдирилган мавзу доирасидаги таклифлар депутатлар томонидан инобатга олинди.

Камолиддин СИДДИҚОВ,

O’zLiDeP Хўжаобод туман Кенгаши

ижрочи котиби