Қарши шаҳридаги “Чақар”, “Қарлиқхона” ва “Чармгар” маҳалла фуқаролар йиғини ҳудудида яшовчи 11 нафар “Аёллар дафтари”да қайд этилган хотин-қизга Қарши шаҳар Кенгаши депутатлари кўмагида тикув машиналари ҳамда мини-печ ҳадя қилинди.

“Қарлиқхона” МФЙ да яшавчи Нафиса Авазова тикув машинаси ёрдамида тадбиркорликни бошлаш истагини билдирган бўлса, “Чармгар” МФЙда истиқомат қилувчи Сайёра Ҳасанова унга берилган мини-печ орқали турли ширинликлар тайёрлаб, бозорга чиқаришини билдирди.  11 нафар аёлнинг ҳар бири берилган бу имкониятдан фойдаланиб, оиласи даромадини оширишга ва келгусида “Аёллар дафтари”дан чиқиб кетишга интилишини айтишди.

-Кўмакка муҳтож бу аёлларни келгуси фаолиятини мунтазам кузатиб борамиз,- дейди  O’zLiDeP Қарши шаҳар Кенгаши депутати Арзиқул Шеров.- Чунки тадбиркорликни бошлаши ва ички бозорда ўз ўрни ҳамда нуфузига эга бўлиши учун уларга нафақат молиявий балки ҳуқуқий маслаҳатлар бериб борамиз.

O’zLiDeP Қашқадарё вилоят Кенгаши

матбуот хизмати