Касбида иссиқхонада бир дарахтда лимон, аплеьсин ва мандарин гуллади

12.04.2021, 15:55

Касбида иссиқхонада бир дарахтда лимон, аплеьсин ва мандарин гуллади

O’zLiDeP Қашқадарё вилоят Кенгаши ташаббуси билан Касби туманида “Томорқа хўжалиги тўғрисида”ги Қонуннинг мазмун моҳиятини тарғиб қилиш мақсадида  томорқачилар иштирокида тадбир ташкил қилинди.

Тадбир иштирокчилари тумандаги “Оққамиш” МФЙ ҳудудида яшовчи Абдураҳмон Худойбердиев томорқаси фаолияти билан танишишди. Аҳамиятли томони шундаки, томорқачи 10 сотих иссиқхонасида лимон етиштириб, ҳар йили 60 миллион сўм даромад топмоқда. Маҳорат дарси тарзида ташкил этилган тадбирда А. Худойбердиев иштирокчиларга томорқачилик сир-асрорлари хусусида сўзлаб берди. Бўлажак томорқачилар иссиқхонада бир дарахтда лимон, апельсин ва мандарин гуллаб турганини кўриб ҳайратини яшира олишмади. 

- Излаган имкони топади,- дейди томорқачи. –Буям қизиқишим маҳсули. Бундан  5 йил олдин иссиқхонага  200 туп лимон эккан,- эдим. Ҳозирги кунда лимонлардан йилига 5 тоннагача ҳосил олиб, ички бозорга чиқараяпман. Лимон кўчати етиштиришни ҳам йўлга қўйдим. Бундан ҳам яхшигина даромад олаяпман. Мендан кўпинча, томорқачиликнинг сир-асрорлари ҳақида сўрашади. Уларга мен чин кўнгилдан иш юритсангиз, қизиқишингиз юқори бўлса ва қилаётган ишингизга ўзингиз ишонсангиз албатта, муваффақият қозонасиз, деб жавоб бераман.

Шу куни тумандаги бошқа бир қатор томорқачилар хонадонларида ҳам маҳорат дарси шаклида тадбирлар ўтказилди. Яқинда кучга кирган “Томорқа тўғрисида”ги қонун юзасидан савол-жавоб ва баҳс-мунозаралар ўтказилди.

O’zLiDeP Қашқадарё вилоят Кенгаши

матбуот хизмати

Теглар
Томорқа
  • Кўрилди
    582
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+