“Ишбилармон аёл “кўрик-танловининг Конимех туман босқичи ғолиблари аниқланди
21.05.2021, 16:43
"Ишбилармон аёл" кўрик танлови Конимех туман босқичи сайёр шаклда ўтказилди. Танловга туманнинг ҳар томонлама тадбирли, ўз ишининг устаси бўлган маҳоратли ишбилармон аёллар жалб этилди.
Бир-биридан чевар, бир-биридан ҳунарли Конимех аёлларининг салоҳиятини ЎзЛиДеП Конимех туман бўлими ходимлари, туман Савдо -саноат Палатаси вакиллари, Ҳунармандлар уюшмаси Конимех туман бўлими мутахассислари ҳамда Хотин-кизлар тадбиркорлик маркази тренирлари кўриб чиқишди.
Олис ҳудудларни эътибордан қочирмаслик мақсадида туман марказидан 50 км узоқликда жойлашган Зафарабод шаҳарчасидаги 2 нафар тадбиркор аёллар фаолияти ҳам ҳакамлар томонидан жойига бориб ўрганилди.
Кўрик-танлов низомига ва талабларига қатъий риоя этилган ҳолда, танлов ғолибаси этиб, ёш ишбилармон аёл Х. Бобоева тикувчилик йўналиши бўйича вилоят босқичига йўлланмани қўлга киритди.
Конимех туман “Бирлик” маҳалласи Нурафшон кўчасида истиқомат қилиб келаётган Х.Бобоева миллий либослар, нақшинкор кўрпа-тўшагу, ёстиқлар, келин сарполари учун қутилар ва қорақалпоқча, козоқча нақшлар туширилган 20 хилдан зиёд кийим-кечаклар тикади.
Бундан ташқари Хуршидахон икки нафар шогирдига ҳунар ўргатииш баробарида қўшни Қозоғистон давлатига ҳам маҳсулот чиқаради. Шунингдек, ўзи шахсий маблағига ташкил қилган “Ғиёс Учқун келажаги” оилавий корхонасини ҳам юритади.
O'zLiDeP Навоий вилояти Кенгаши
матбуот хизмати
Ўхшаш янгиликлар
-
Пойтахтлик ишбилармон хотин-қизлар маҳаллалар кесимида сараланяпти
25.04.2024, 12:00
-
Ишбилармон аёллар сараланмоқда
21.04.2024, 13:38
-
O‘zLiDeP “Аёллар қаноти” лойиҳалари орқали ишсиз хотин-қизлар тадбиркор бўляпти
09.04.2024, 19:51
-
Қоратепалик Матлуба опа томорқасидан ҳар йили 30 миллион сўм даромад қилмоқда
09.04.2024, 19:43
-
Хотин-қизларнинг иқтисодий, ижтимоий ва сиёсий фаоллигини оширишга эътибор янада кучайган
31.03.2024, 10:50
Фикрингизни қолдиринг