Мамлакатимиз тараққиёти ва халқ фаровонлиги йўлида фаол иштирок этаётган шижоатли, изланувчан, ташаббускор, тадбиркор ва фермер хотин-қизлар ўртасида Хоразм вилоятида ҳам “Ишбилармон аёл” кўрик-танловининг туман босқичлари қизғин паллага кирган. Хусусан Ҳазорасп, Хива туман ва Хива шаҳар босқичларида 100 дан ортиқ ҳунармандлар, фермер хўжаликлари раҳбарлари, тадбиркорлар ва ишбилармонлар ўз кўргазмалари билан иштирок этишди.

Аёллар ўртасида тадбиркорликни, фермерликни ривожлантириш, рағбатлантириш, қўшимча иш ўринлари яратиш ҳамда аёлларнинг жамиятдаги фаоллигини янада ошириш мақсадида ўтказилаётган мазкур танлов натижаларига кўра, Ҳазорасп туманида “БАХТБЕК ИНВЕСТ САНОАТ” МЧЖ раҳбари Гулмира Матёкубова 1-ўрин, “ZARA TEKSTIL” раҳбари МЧЖ Ганжаева Зайнура 2-ўрин, якка тадбиркор Муборак Рўзметова 3-ўрин билан тақдирланиб, уларга O’zLiDeP вилоят Кенгашининг эсталик совғалари  топширилди.

Хива азалдан ҳунармандлар юрти бўлганли боис бу галги танловнинг туман, шаҳар босқичларида миллий ҳунармандчилик, ишлаб чиқариш, тикувчилик, касаначилик каби йўналишларда хивалик  хотин-қизларнинг кўргазмаси йиғилганларда катта таассурот қолдирди.

Республика миқёсида бир неча йиллардан буён ташкил этилиб келинаётган ушбу кўрик-танловда турли номинациялар бўйича ҳам танлов ғолиблари аниқланиб, ғолибликни қўлга киритган хотин-қизларга Вилоят Кенгашининг фахрий ёрлиқ ва эсдалик совғалари топширилди.

Мушарраф Рахимова,

O’zLiDeP Хоразм вилоят Кенгаши

Аёллар билан ишлаш бўлими мудири