Халқ депутатлари Янгиариқ туман Кенгашидаги O'zLiDeP депутатлик гуруҳининг навбатдаги йиғилиши бўлиб ўтди.

Йиғилишда Янгиариқ туман маҳаллий бюджетининг 2021 йил январ-май ойлари давомидаги даромадлар режаси таҳлил қилинди. Унда туман молия бўлими бошлиғи Азимбой Бекчанов депутатлар олдида ахборот берди. Маҳаллий бюджетнинг ўтган даврдаги даромадлар режаси 14347,0 млн сўм бўлиб, жорий йил 1 июнь ҳолатига 14676,0 млн сўм (102,3%)га режага нисбатан 329 млн сўмга ортиғи билан бажарилган. Туман маҳаллий бюджетининг 2021 йил июнь ойи даромадлар режаси 2667,0 млн сўм, яъни 98,6 фоизга ижроси бажарилиши таъминланган.

Туман маҳаллий бюджетининг 2021 йил 1 июнь ҳолатига ҳаражатлар қисмининг аниқланган режаси 47 млрд 484,4 млн сўм бўлиб,  яъни режага нисбатан 95,3 фоизга бажарилган.

Тумандаги кам таъминланган ижтимоий ҳимояга муҳтож оилалар, "Ёшлар дафтари" ва "Аёллар дафтари"га киритилган ишсиз фуқароларга жами 261,3 млн сўмлик маблағ ажратилган.            

Депутатлар томонидан бюджет маблағларининг сарфланишида бир қатор камчиликларга йўл қўйилгани танқид остига олинди. Бюджет маблағларининг сарфланишида иштирок қилувчи ташкилотларнинг кейинги эшитувларга ҳисоботи билан қатнашиши лозимлиги таъкидланди.

Йиғилишда аниқланган камчиликларни бартараф этиш, белгиланган вазифаларни ўз муддатида бажариш юзасидан масъул идора ва ташкилотлар раҳбарларининг жавобгарлигини ошириш ҳамда зарур чора-тадбирлар кўрилишини таъминлаш ва мазкур масалалар юзасидан депутатлик назоратини ўрнатиш  муҳимлиги эътироф эитилди.   

Таклиф ва тавсиялар ишлаб чиқилиб, кўрилган масалалар юзасидан Халқ депутатлари Янгиариқ туман Кенгашидаги O’zLiDeP депутатлик гуруҳининг қарори қабул қилинди. 

Феруза Оллашукурова,

Халқ депутатлари Янгиариқ туман Кенгашидаги

O’zLiDeP депутатлик гуруҳи ижрочи котиби