O’zLiDeP Қонликўл туман Кенгаши томонидан туман педагогика коллежида “Ёшларда мафкуравий иммунитетни шакллантириш - баркамол авлодни тарбиялашнинг муҳим омили” мавзусида амалий мулоқот ўтказилди.

Бугунги ёшларнинг пухта билим олиши, касб-ҳунар эгаллаши, миллий анъана  ва қадриятларимизга ҳурмат руҳида камол топиши йўлида эътибор ва ғамхўрлик кўрсатиш давлатимиз сиёсатининг устувор йўналишларидан бири ҳисобланади.

Ёшларнинг интеллектуал  салоҳияти, онгу  тафаккури ва дунёқарашини юксалтириш, мафкуравий иммунитетини мустаҳкамлаш, ватанпарварлик, халққа муҳаббат ва садоқат туйғуси билан яшайдиган баркамол авлодни  тарбиялашга алоҳида эътибор қаратилмоқда.  

Дарҳақиқат, мамлакатимизнинг бугунги сиёсатида ёш авлодни аҳлоқий ва маънавий тарбиялаш устувор вазифалардан бири ҳисобланади,

Мулоқот давомида бир қатор фаол ёшлар ҳам ўзларининг таклиф ва фикрларини  билдириб, қизиқтирган  барча саволларига жавоблар олишди  ва  партияга аъзоликка хайрихоҳлигини билдиришди.  

O’zLiDeP Қорақалпоғистон Республикаси

Кенгаши матбуот хизмати