Жомбойда ўтказилган сайёр қабулдан сўнг 14 та депутатлик сўрови юборилди

03.08.2021, 10:24

Жомбойда ўтказилган сайёр қабулдан сўнг 14 та депутатлик сўрови юборилди

Халқ депутатлари вилоят Кенгаши депутати Хайдар Ураков томонидан Жомбой тумани 16-Холвойи сайлов округи таркибидаги “Тўққизбой” ва “Саричашма” маҳалла фуқаролар йиғинларида халқ қалбига қулоқ солиш, одамларнинг дарду ташвишини тинглаш, муаммоларини ҳал этиш мақсадида тегишли бўлим, ташкилот раҳбарлари иштирокида сайёр қабул ташкил этилди.

Сайёр қабулларда жараёнида “Тўққизбой” ва “Саричашма” маҳалла фуқаролар йиғинида истиқомат қилувчи фуқароларнинг мурожаатлари эшитилди.

Учрашув давомида халқ вакили аҳолининг мурожаатларини тинглади, ЎзЛиДеП вилоят Кенгаши аъзоси Ҳ.Ўроқов маҳалладаги “Темир”, “Ёшлар” ҳамда “Аёллар” дафтарига киритилган ижтимоий ҳимояга муҳтож оилаларнинг муаммоларини ўрганди.

Сайёр қабулда аҳолидан келиб тушган мурожаатларни жойида ҳал этиш борасида аниқ ва тезкор чоралар кўрилди. Фуқароларнинг мурожаатлари асосан, электр энергияси билан боғлиқ муаммолар, Трансформатор ва симёғочлар масаласи, ишсизлик, йўлларни таъмирталаблиги ва соғлиғини тиклашда амалий ёрдам бериш каби масалалардан иборат. Депутат Х.Ураковга ишсизлик масаласида мурожаат қилган 12 нафар фуқароларнинг муаммолари жойида ҳал этилиб, "Навобод Наслли парранда" кўп тармоқли фермер хўжалигига ишга жойлашиш бўйича йўлланмалар берилди.

Йиғилиш сўнгида фуқароларнинг мурожаатлари таҳлил қилиниб, амалий ёрдам кўрсатиш юзасидан зарур чора-тадбирлар белгилаб олинди ҳамда тегишли мутасадди ташкилотларга 14 та сўров юборилди.

O`zLiDeP Самарқанд вилоят Кенгаши

матбуот хизмати.

  • Кўрилди
    143
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+