O'zLiDeP номзодини қўллаб-қувватловчи имзоларни тўплаш жараёни қизғин бошлаб юборилди
17.08.2021, 16:41
Сайлов кампаниясида энг муҳим жараён сиёсий партиянинг ўз номзодни рўйхатга олиниши учун сайловчиларни имзоларини тўплаш ва уларни текшириш жараёни ҳисобланади.
Ўзбекистон Республикаси Президентлигига кўрсатилган номзодни қўллаб-қувватловчи имзоларни тўплаш ва имзо варақалари тўғри тўлдирилганлигини текшириш тартиби Марказий сайлов комиссиясининг Низоми асосида тартибга солинади.
Ўзбекистон Республикаси Сайлов кодексининг 14 ва 16-моддаларига мувофиқ, Ўзбекистон Республикаси Марказий сайлов комиссиясининг 2021 йил 14 апрелдаги 1067-сонли Қарори билан тасдиқланган “Ўзбекистон Республикаси Президентлигига кўрсатилган номзодни қўллаб-қувватловчи имзоларни тўплаш ва имзо варақалари тўғри тўлдирилганлигини текшириш тартиби тўғрисидаги низом” талабларига мувофиқ сайловда иштирок этишга ижозат берилган сиёсий партия Ўзбекистон Республикаси Президентлигига кўрсатилган номзодни қўллаб-қувватлаб Ўзбекистон Республикаси жами сайловчиларининг умумий сони камида бир фоизини имзосини тўплаши керак. Шундан келиб чиқиб, Самарқанд вилоятида умумий сайловчилар сони 2 376 413 нафарни ташкил этиб, камида 23 764 нафар сайловчининг номзодни қўллаб-қувватловчи имзолари йиғилиши лозим.
Айни пайтда Самарқанд вилоятининг барча туман ва шаҳарларида бу жараён қизғин бошлаб юборилди.
Насиба Мўминова
O'zLiDeP Самарқанд вилоят Кенгаши
бўлим мудири
Ўхшаш янгиликлар
-
Шавкат Мирзиёев Ўзбекистон Республикаси Президенти сайловида ишончли ғалаба қозонди
26.10.2021, 10:43
-
Ишончли вакил сайловолди учрашувларига Қизилтепада якун ясади
22.10.2021, 20:52
-
Ишончли вакилнинг сайловолди учрашуви тил байрамига бағишланган мусиқий дастурга уланиб кетди
22.10.2021, 20:50
-
Истиқболли режалар - олий мақсадлар рўёбига хизмат қилади
22.10.2021, 19:02
-
Франциялик халқаро кузатувчилар билан учрашув
22.10.2021, 18:57
Фикрингизни қолдиринг