Ўзбекистон ва Хитой ҳамкорлиги ривожида янги давр бошланмоқда

24.05.2023, 11:36

Феруза Ниғматова
Феруза Ниғматова

Олий Мажлис Қонунчилик палатаси депутати, O'zLiDeP фракцияси аъзоси

Ўзбекистон ва Хитой муносабатлари барча соҳаларни қамраб олган ва кейинги йилларда изчил ривожланиб бормоқда. Хусусан, икки давлат энди дўстлик ва шерикликнинг янги босқичига қадам қўймоқда.

Ҳар иккала давлат кўҳна Шарқ цивилизацияларининг кўп асрлик дўстона ва маданий тарихига эга бўлгани эса ўзаро гуманитар алмашувларни фаол ривожлантириш учун муҳим асос бўлиб хизмат қиляпти.

Ўтган 31 йил ичида Ўзбекистон ва Хитой ўртасидаги ҳар томонлама стратегик муносабатлар жадал ва барқарор тус олди. Икки давлат раҳбарларининг ўзаро ташрифлари ва учрашувлари барча даражадаги ҳамкорлик алоқаларини янада мустаҳкамлаб, янги уфқлар очмоқда.

Зеро, Хитой билан Ўзбекистон манфаатлари ва тақдири муштарак, қувонч ва ташвишни биргаликда баҳам кўрадиган тенг ҳуқуқли ҳамда ўзаро манфаатдор шериклардир. Икки мамлакат ҳам қадимий тарихга эга бўлиб, уларни маданиятлар муштараклиги ўзаро бирлаштириб туради ва янада яқинлаштиради.

Президентимиз Шавкат Мирзиёев Хитой Халқ Республикаси Раиси Си Цзиньпиннинг таклифига биноан 18-19 май кунлари ушбу мамлакатга ташрифи ўзаро ҳамкорликнинг мутлақо янги босқичини бошлаб берди, десак муболаға эмас.

Айниқса, Сиан шаҳрида Ўзбекистон – Хитой бизнес-форумининг натижаларини алоҳида айтиш жоиз. Сабаби Хитойнинг 400 дан ортиқ йирик компаниялари вакиллари иштирок этган форум давомида қатор келишувлар ва шартномалар имзоланди.

Шунингдек, форум давомида Хитой ишбилармон доиралари вакиллари Ўзбекистонда бизнес юритиш учун яратилган ижобий таркибий ўзгаришлар ва қулай шароитлар ҳақида кенгроқ маълумотларга эга бўлишди.

Ўзаро манфаатли шерикликнинг истиқболли йўналишлари сифатида автомобилсозлик, муқобил энергия манбаларидан фойдаланиш, “яшил энергия”, қишлоқ хўжалиги ва мева-сабзавотларни қайта ишлаш соҳалари белгилаб олинди. Бу эса ҳар икки томон учун ҳам манфаатлидир.

Ташриф доирасида Президентимиз Сиан шаҳрида “Марказий Осиё —Хитой” саммитида ҳам иштирок этиб, аниқ таклиф ва муҳим ташаббусларни илгари сурди. Айниқса, янги иқтисодий мулоқотни шакллантириш ва ўзаро боғлиқликни кучайтириш, 2030 йилга бориб минтақа мамлакатларининг Хитой билан товар айирбошлаш ҳажмини икки баравар ошириш ҳақидаги ташаббуси анжуман иштирокчиларида катта қизиқиш уйғотди.

Давлатимиз раҳбари ўз нутқида гуманитар алмашинувлар, кўргазмалар, концерт ва ижодий сафарлар, қўшма спорт тадбирларини мунтазам ўтказишни давом эттириш, уларга ёшларни кенг жалб қилиш муҳимлигига тўхталар экан, келгуси йилда Ёш истеъдодлар форумини биргаликда ўтказишни таклиф қилди.

Умуман олганда, Президентимизнинг Хитой Халқ Республикасига ташрифи икки томонлама муносабатларнинг юқори даражада ривожланаётганидан ҳамда стратегик шерикликни янада чуқурлаштиришга содиқликдан далолат беради. Эришилган натижалар эса Ўзбекистон — Хитой муносабатларида янги саҳифа очади.


  • Кўрилди
    689
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Шовот туман Кенгаши ходими2018-07-23 12:17:36

Қарор мамлакатимизда экологик тоза ишлаб чиқариш жараёнини тадбиқ этиш, қишлоқ хўжалик маҳсулотларини янги навларини яратиш, хизмат кўрсатиш ва шу каби иқтисодиётимизнинг кўплаб йўналишларида фаолият юритаётган илм-фан ходимларини ҳам моддий ҳам маънавий жиҳатдан қўллаб-қувватлаш орқали янги тадқиқотларни молиялаштириш, энг асосийси уларни ҳаётга тадбиқ этиш жараёнини аниқ механизмларини белгилаб берди.


Олим Норжигитов, Жиззах вилояти 2018-07-21 19:01:22

Президентимизнинг “Илмий ва илмий-техникавий фаолият натижаларини тижоратлаштириш самарадорлигини ошириш бўйича қўшимча чора-тадбирлар тўғрисида”ги қарор маҳаллий инновацион лойиҳалар ҳамда ишланмаларни ҳаётга жадал жорий этилишини таъминлайди, мамлакат иқтисодиётининг рақобатбардошлигини кучайтиришда илм-фан ҳиссасини янада оширади.


O‘zLiDeP Бухоро туман Кенгаши раисининг 1-ўринбосари - аппарат раҳбари - Саттор Бафоев2018-07-18 10:53:49

Ушбу қарор асосида инновацион лойиҳалар, илмий асосланган ғоялар - илм-фан ходимлари томонидан ишлаб чиқаришни янада ривожлантиришга хизмат қилиши билан бирга ижодкор олимларни ҳам моддий ҳам маънавий жиҳатдан қўллаб-қувватлайди.


Носирова Шоира Навоий вилояти туман Кенгаши депутати2018-07-17 23:30:13

Ушбу ҳаётий қарор мамлакатимизда таълим ва ишлаб чиқариш интеграциясини замон талаби даражасида ривожлантириб, ижодкор олимларни ишларини рағбатлантиради.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+