Андижон вилоятида 41 мингта оилани камбағалликдан чиқариш зарурати бор

08.05.2020, 11:55

Андижон вилоятида 41 мингта оилани камбағалликдан чиқариш зарурати бор

Давлатимиз раҳбари раислигида жорий йил 7 май куни Андижон, Навоий ҳамда Сурхондарё вилоятлари туман ва шаҳарларининг иқтисодий салоҳиятини ошириш чора-тадбирлари бўйича ўтказилган видеоселектор йиғилишида вилоятимизнинг иқтисодий салоҳияти ҳам атрофлича таҳлил қилинди. Ҳар бир туман салоҳияти ўзига хос бўлган Андижонда айни вақтда 41 мингта оилани камбағалликдан чиқариш зарурати бор. Бунинг учун кичик корхоналарни кўпайтириш, ҳунармандчиликни қўллаб-қувватлаш, қишлоқ хўжалиги маҳсулотлари етиштириш орқали аҳоли фаровонлигини ошириш керак. Кўринадики, бу ўз-ўзидан тадбиркорлару фермерларни қўллаб-қувватловчи O’zLiDeP партиясига ҳам бир қадар вазифалар юклайди.

Маълумки, вилоятда саноат ишлаб чиқаришнинг 69 фоизини машинасозлик ташкил қилади. Пандемия туфайли эълон қилинган карантин бу соҳада ички бозор имкониятларидан тўла фойдаланишни тақозо қилди. Лекин мамлакатимизда эҳтиёт ва бутловчи қисмлар бозори 500 миллион долларни ташкил қилади, маҳаллий маҳсулотларнинг ундаги улуши эса атиги 9 фоизга тенг. Демак, эндиликда имкон қадар 300 турдаги импорт бутловчи қисмларни ўзлаштириб, хорижникидек сифатли ишлаб чиқариш лозим. Бунинг учун, албатта, Президентимиз таъкидлаганидек, Асака туманидаги автомобиль заводи яқинида, унумдорлиги паст ерларда кичик саноат зонаси ташкил этиб, бутловчи қисмлар ишлаб чиқариш ҳажмини оширилиши керак. Шунингдек, “Самавто” ва “МАН” заводларида махсус техникалар ишлаб чиқаришни кенгайтириш даркор. Шу йўл билан қанчалаб ишсизликка барҳам берилади, қанчалаб оилаларга даромад киради.

Президентимиз тадбиркорликни жадал ривожлантириш масаласига алоҳида тўхталар экан, Андижон вилояти Хўжаобод туманида ташаббускорларга 32 та тикув-трикотаж корхонаси учун жой ажратиш бўйича кўрсатма бердилар. Бу корхоналарда 6,5 мингта иш ўрни яратилиши натижасида юртбошимиз қайд этган камбағалликни бирмунча бартараф этишга эришилади.

Маълумки, Булоқбоши тумани тоғли ҳудуд ҳисобланади. У ердаги конлардан исталганча қурилиш материаллари олиш мумкин. Шуни ҳисобга олган ҳолда конларни ўзлаштириб, шу туманда қурилиш материаллари ишлаб чиқаришни йўлга қўйиш мақсадга мувофиқ. 

Томорқачилик бўйича Андижон ерларидаги унумдорликка ҳавас қилса арзийди. Аҳоли кафтдек ердан яхшигина даромад топишнинг ҳадисини олган. Масалан, Андижон тумани “Миробод” маҳалласи аҳолиси қалампир экиб, йилига 2 минг тоннагача ҳосил олмоқа. Бундан ташқари, бошқа ҳудудлардан йилига 3-4 минг тонна сотиб олиб, қайта ишлайди. Избоскан тумани “Юқори Чувама” маҳалласидаги мингта хонадонда тоғ ёнғоғи ва ерёнғоқ етиштирилади. Олтинкўлнинг Чўнтак маҳалласи гулчиликка ихтисослашган. Олдимиздаги вазифа айни ҳудудлардай томорқачиликнинг қайсидир йўналишида намунани йўлга қўйган омилкор одамларга қўшимча ер ажратиш орқали маҳсулотларни қайта ишлаш ва иш ўринларини кўпайтириш масаласига тез ечим топиш зарур. Бунинг учун эса вилоятда бўш турган ер майдонлари, фермер хўжаликлари тасарруфидаги фойдаланилмай турган экин майдонлар рўйхати шакллантирилиб, имкон қадар омилкорларга яқин жойлардан ажратилиши керак.

Президентимизнинг Андижон иқтисодиёти, тараққиёти, аҳолиси фаровонлигини ошириш бўйича берган топшириқларидан руҳландик. Ҳеч ким, ҳеч бир ҳудуд давлат эътиборидан четда эмаслигидан мамнуният туйдик. Олдимиздаги вазифа эса давлатимиз раҳбари илгари сурган ташаббуслар ижроси учун сидқилидан меҳнат қилиш, фидойиик намунасини кўрсатишдир.

Тоҳиржон Аҳмадалиев,

Олий Мажлис Қонунчилик

палатасидаги O'zLiDeP фракцияси аъзоси

  • Кўрилди
    763
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

Gulmira2021-06-03 02:54:47

Assalomu alaekum meni nogiron oĝlim bor yurmaedi gapirmaedi sudirgisi kucli sh sababli erimham menham ishlolmayapmiz biz sh oĝlimiz un ipatecni namunali uelardan ogandik hozir tolovini tololmayapmiz muhtaram shovkat mirziyoev sizdan iltimosim shuki bizga amali yordam bering iltimos ipateka bank hodimlari uedan ciqazamiz deb qoeshmayapti men sirdaryo viloyati sirbaryo tumanida islomobod mahallasi 52 ueda namunali uelarda yashaemiz sizdan iltimos dizga amali yordam bering +998994654988 zokirova gulmira


Karomat 2020-09-03 10:35:49

Fikrlarim juda ham yaxshi lekin òzim bolaligimdan ikkinchi guruh nogironiman menga hech qanday yordam berilmayapti.Bu albatta ba'zibir qòshtirnoq ichidagi mansabdor shaxslarni ishlari.Yordam sòrab kòp joyga murojaat qildim lekin meni yotoqdagi nogiron emasligimni aytishyapti.Meni chap qòlim yoq.Men doimiy yordamga muhtojman.Shavkat Miromonovichga uzoq umr tilayman.


Meliqulov.ulugbek.Farxodovich 2020-05-15 09:19:05

O'zbekiston.Respublikasi.Boshvaziri.Abdulla.Aripov.Nigmatovichga.iltilomos.qilaman.Men.Meliqulov.Ulugbek..men.ota onam.vafotetgan.meni.2 nafar.ukambor.men.ukamniuqutishim.kerak.ishka.kirgishim.kerak uylantirishim.kerak.va.uzim.uylanishim.kerak.Meni.Navoiy..da.ota.onam.xechkim.yodam bermadi.Vertual Qabulxonasi.2017yil.dabirmirjatqilman.2020.men.Abdulla.Aripov.Boshvaziri.Qabuliga.kirishimuch.yordam.berishingizni.iltimos.qilaman.942571718


Meliqulov.ulugbek.Farxodovich 2020-05-13 02:10:07

O'zbekiston.Respublikasi.Boshvaziri.Abdulla.Aripov.Nigmatovichga.iltilomos.qilaman.Men.Meliqulov.Ulugbek..men.ota onam.vafotetgan.meni.2 nafar.ukambor.men.ukamniuqutishim.kerak.ishka.kirgishim.kerak uylantirishim.kerak.va.uzim.uylanishim.kerak.Meni.Navoiy..da.ota.onam.xechkim.yodam bermadi.Vertual Qabulxonasi.2017yil.dabirmirjatqilman.2020.men.Abdulla.Aripov.Boshvaziri.Qabuliga.kirishimuch.yordam.berishingizni.iltimos.qilaman.942571718


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+