Sifatli ta’lim – inson kapitalini rivojlantirishning hal qiluvchi omili
28.09.2021, 16:22
O’zbekiston Respublikasi Prezidentligiga O’zLiDePdan ko‘rsatilgan nomzod Shavkat Mirziyoyevning Toshkent viloyatidagi ishonchli vakili Ra’no Turdiboyeva Toshkent davlat texnika universiteti Olmaliq shahar filialida professor-o‘qtuvchilara talabalar bilan uchrashdi.
Partiya nomzodining ishonchli vakili Ra’no Turdiboyeva tashviqot uchrashuvida yig‘ilganlarga “Sifatli ta’lim – inson kapitalini rivojlantirishning hal qiluvchi omili” bandi haqida ma’lumotlar berarkan, unda belgilangan islohotlar Yangi O’zbekistonning haqiqiy bunyodkorlarini kamolga yetkazishga xizmat qilishini aytib o‘tdi.
Uchrashuvda so‘zga chiqqan professor-o‘qituvchi va talabalar so‘nggi besh yilda oliy ta’lim tizimidagi islohotlarning izchil amalga oshirilishi natijasida kadrlar tayyorlashning samaradorligi oshganligini e’tirof etishdi.
Nomzodning saylovoldi dasturida uzluksiz ta’lim tizimi uchun milliy o‘quv dasturini joriy etish, ta’lim sifatini oshirish va raqobatbardosh kadrlar tayyorlash masalalariga alohida e’tibor qaratilgani ularning nomzodga ovoz berish bilan o‘z xohish-irodalarini namoyon etishga undaganini bildirishdi.
Shuningdek, uchrashuv mobaynida saylovchilarning taklif va murojaatlari ham tinglanib, ular borasida atroflicha to‘xtalinib, tegishli tartibda hal etishga yo‘naltirish maqsadida yozib olindi.
So‘z olganlar tomonidan bildirilgan minnatdorchilik va iliq fikrlardan so‘ng, ishonchli vakil Ra’no Turdiboyeva saylovchilarni Yangi O’zbekistonda sifatli ta’lim, raqobatbardosh kadrlar tayyorlashni o‘z oldiga maqsad qilib olgan munosib nomzod Shavkat Mirziyoyevga ovoz berishga chaqirib qoldi.
Zuxro Mirzohamdamova,
O’zLiDeP Toshkent viloyat Kengashi matbuot kotibi
O'xshash yangiliklar
-
Istiqbolli rejalar - oliy maqsadlar ro‘yobiga xizmat qiladi
22.10.2021, 19:03
-
Fransiyalik xalqaro kuzatuvchilar bilan uchrashuv
22.10.2021, 18:59
-
Shavkat Mirziyoyev jizzaxlik saylovchilar bilan uchrashdi
21.10.2021, 16:14
-
O’zLiDeP tomonidan ommaviy axborot vositalari uchun brifing tashkil qilindi
20.10.2021, 17:03
-
Toshkentlik saylovchilar bilan ochiq muloqot bo‘ldi
19.10.2021, 16:44
Fikringizni qoldiring