Namangan shahri yanada obod bo‘ladi
29.09.2021, 17:20
O’zLiDePdan O’zbekiston Respublikasi Prezidentligiga nomzod Shavkat Mirziyoyevning Namangan viloyati bo‘yicha ishonchli vakili Ikromxon Najmiddinov Namangan shahri saylovchilari bilan uchrashdi. U ishtirokchilarni nomzodning tarjimai holi va saylovoldi Dasturi bilan tanishtirdi.
Xususan, nomzodning Namangan viloyatini ijtimoiy-iqtisodiy jihatdan rivojlantirish, aholi turmush farovonligini yanada yuksaltirish bo‘yicha belgilangan ustuvor vazifalarga e’tiborni qaratdi. Nomzod dasturidan o‘rin olgan Davlatobod tumanini sportchilar shaharchasiga aylantirish, "Navbahor" futbol klubi negizida futbol akademiyasini, Namangan muxandislik texnologiyasi instituti negizida Namangan to‘qimachilik sanoati institutini tashkil etish, "Yuksalish" sanoat zonasi hududida yo‘ldosh shaharcha bunyod etilishi haqidagi yangiliklarni saylovchilar gulduros qarsaklar bilan kutib olishdi.
Muzokarada so‘z olgan mehnat faxriylari Xorunxon Ayubxonov, Akmal Ikramov, xalq deputatlari Namangan shahar Kengashi deputati, "Yangi zamin" mahalla fuqarolar yig‘ini raisi Gavxarxon Turg‘unova, NamDU talabasi, kurash bo‘yicha uch marta MDX davlatlari chempioni Mohigul Ibragimova, Namangan shahar "Nuroniy" kengashi raisi Anvar Nasriddinov va boshqalar nomzodning saylovoldi dasturida inson huquq va manfaatlariga xizmat qiladigan ustuvor vazifalar belgilanganini ta’kidladilar. Joriy yil 24 oktabr kuni bo‘lib o‘tadigan saylovda Shavkat Mirziyoyev nomzodini qo‘llab-quvvatlashga chaqirdi.
O'xshash yangiliklar
-
Istiqbolli rejalar - oliy maqsadlar ro‘yobiga xizmat qiladi
22.10.2021, 19:03
-
Fransiyalik xalqaro kuzatuvchilar bilan uchrashuv
22.10.2021, 18:59
-
Shavkat Mirziyoyev jizzaxlik saylovchilar bilan uchrashdi
21.10.2021, 16:14
-
O’zLiDeP tomonidan ommaviy axborot vositalari uchun brifing tashkil qilindi
20.10.2021, 17:03
-
Toshkentlik saylovchilar bilan ochiq muloqot bo‘ldi
19.10.2021, 16:44
Fikringizni qoldiring