Oliy Majlis Qonunchilik palatasi deputati Mavludaxon Ibragimova Buvayda tumanidagi Ing‘irchoq, Dodxo, Maslahat, Jiydali va Jaloyer MFYlarida bo‘lib, O’zLiDePdan O’zbekiston Respublikasi Prezidentligiga nomzod Shavkat Mirziyoyevning saylovoldi dasturi va unda ilgari surilgan g‘oya va tashabbuslar bilan saylovchilarni tanishtirdi.

Deputatga partiyaning tuman Kengashi raisi Dilnoza Nurmatova hamrohlik qildi.

Targ‘ibot tadbirlarida “Inson qadri uchun” shiori ustuvorlik qilib, Shavkat Mirziyoyevning dasturida inson qadri ulug‘ligi, aholi turmushini yanada yaxshilash va barcha olib boriladigan islohotlar insonlar manfaati uchun hizmat qilishi haqida gapirildi.

24 Oktabr kuni barcha fuqarolar o‘zlari ko‘tarinki kayfiyatda saylovda qatnashishlari va tinchlik uchun, yaxshi hayot uchun munosib nomzodga ovoz berishga chaqirildi.