O’zbekiston Respublikasi Markaziy saylov komissiyasining taklifiga ko‘ra, Ouenom Merfi boshchiligida  YeXHT Demokratik institutlar va inson huquqlari bo‘yicha byurosining saylovlarni kuzatish missiyasi  mamlakatimizda monitoring ishlarini olib bormoqda.

Ushbu delegatsiya faoliyati doirasida 2021 yil 5 oktabr kuni Tadbirkorlar va ishbilarmonlar harakati - O’zbekiston Liberal-demokratik partiyasi Siyosiy Kengashi Ijro qo‘mitasida uning vakillari bilan uchrashuv bo‘lib o‘tdi. Uchrashuv davomida xalqaro kuzatuvchilar O’zLiDeP tarixi va g‘oyalari, partiyadan nomzod Shavkat Mirziyoyevning Saylovoldi dasturi hamda targ‘ibot va tashviqot ishlari bilan tanishdilar. Saylovlar ochiq va shaffof o‘tayotgani qayd etildi. Mehmonlar targ‘ibot ishlari jarayonida zamonaviy saylov texnologiyalarining qo‘llanishi bilan tanishdilar. Umuman, YeXHT Demokratik institutlar va inson huquqlari bo‘yicha byurosi kuzatuvchilarining yurtimizga taklif etilishi, O’zbekistonning umumqabul qilingan demokratik tamoyillarga sodiqligini  yana bir bor isbotladi.

Uchrashuv konstruktiv ruhda bo‘lib o‘tdi.

O’zLiDeP matbuot xizmati