Ishonchli vakil narpaylik saylovchilar bilan uchrashdi

12.10.2021, 12:06

Ishonchli vakil narpaylik saylovchilar bilan uchrashdi

O’zbekiston Respublikasi Prezidentligiga O’zbekiston Liberal-demokratik partiyasidan  nomzod Shavkat Mirziyoyevning Samarqand viloyati bo‘yicha Ishonchli vakili Rustam Xolmurodov Narpay tumanidagi 27-son bolalar musiqa va san’at maktabida saylovchilar bilan uchrashdi.

Unda  nuroniylar, mahalla, ta’lim tizimi vakillari va yoshlar ishtirok etishdi.

Tadbirda ishonchli vakil so‘zga  chiqib, o‘tgan 5 yilda mamlakatimizda Shavkat Mirziyoyev tomonidan barcha sohalarda jumladan, ta’lim, sanoat, iqtisodiyot, xizmat ko‘rsatish, qishloq xo‘jaligi sohasi va tadbirkorlikni rivojlantirish bo‘yicha amalga oshirilgan islohotlari haqida gapirar ekan, Shavkat Mirziyoyev Samarqand viloyat saylovchilari bilan uchrashuvida viloyatni ijtimoiy-iqtisodiy rivojlantirish bo‘yicha besh yillik dastur doirasida Narpay tumani misolida Samarqandda ishsizlik va kambag‘allikka barham berish bo‘yicha rejalarni ma’lum qilganliklarini  alohida e’tirof etdi.

- Dasturga ko‘ra, endi tumandagi mahallalarga biriktiriladigan “hokim yordamchilari” lavozimlari joriy etiladi. Ular mahallada tadbirkorlikni rivojlantirish orqali kambag‘allikni qisqartirish va yangi ish joylarni tashkil etish bo‘yicha tizimli ishlarni tashkil etadi.

Tumanda sanoat sohasida 800 milliard so‘mlik 145 ta investitsiya loyihasi hisobiga 1,5 mingta ish o‘rni yaratiladi. Jumladan, “Baxt”, “Guliston”, “Muqimiy” va “Tepa” mahallalarida 4 ta yangi kichik sanoat zonalari tashkil etiladi.

Shuningdek, mavjud korxonalar faoliyatini kengaytirish hisobiga 4 ming 800 ta, ijtimoiy sohada 650 ta, 747 ta xizmat ko‘rsatish shaxobchalarini tashkil etish orqali 1100 ta, 14 ta yo‘l bo‘yi infratuzilma komplekslarini tashkil etish orqali 500 ta, paxta va g‘alladan bo‘shatiladigan maydonlarni aholiga ijaraga berish orqali 4 mingta, Mirbozor bozorini rekonstruksiya qilib, zamonaviy savdo kompleksiga aylantirish orqali 1200 ta yangi ish o‘rni yaratiladi.

Tumanning ixtisoslashuvidan kelib chiqib, 12 ta mahallada quruvchi, chilangar, qandolatchilik, tikuvchilik, IT-soha kasblari bo‘yicha kasb-hunarga o‘qitish maskanlari tashkil etiladi.

Yuqoridagi loyihalarni amalga oshirish natijasida, tumanda tadbirkorlik sub’ektlari soni 1,5 mingdan 3 ming 700 tagacha ko‘payadi. Umuman, kelgusi 2 yilda qayd etilgan tadbirlar natijasida, jami 22 ming aholining bandligi ta’minlanadi, - dedi R.Xolmurodov.

Tadbirda so‘zga chiqqanlar mazkur e’tibordan mamnun ekanligini ta’kidlab, kelajak uchun, Vatan ravnaqi, inson qadri uchun Shavkat Mirziyoyev nomzodini qo‘llab-quvvatlashini bildirdilar.

O’zLiDeP Samarqand viloyat Kengashi

matbuot xizmati

Teglar
  • Ko'rildi
    604
  • Chop etish
  • Do'stlar bilan ulashish
← Orqaga qaytish

Fikringizni qoldiring

+